अधिकारकर्मी नर्बदा क्षेत्रीलाई अमेरिकी ‘क्वीन्स एम्बासडर अवार्ड’

13 November, 2017 09:59 | प्रबास | comments | 5250 Views

नर्बदा क्षेत्री

बिजय थापा,वाशिंगटन डिसी – विश्व कै सम्राट राज्य मानिने न्यूयोर्क शहरमा बसोबास गर्दै आएकी निकै क्रियाशील नेपाली समुदायकी मानव अधिकारकर्मी तथा महिला सामाजिक कार्यकर्ता नर्बदा क्षेत्रीलाई ‘कुईन्स एम्बासडर पुरस्कार-२०१७’ द्वारा सम्मानित गरिएको छ l

उनी सहित २५ जना आप्रवासीहरुलाई असाधारण, उदाहरणीय तथा फरक समुदायमा काम गरे वापत सम्मान गरिएको हो lउनलाई न्यूयोर्कस्थित झन्डै एक सय बर्ष अगाडी स्थापना भएको (सन् १९१९) टाइम्स लेजर पत्रिकाले उक्त पुरस्कार द्वारा सम्मान गरेको हो । अधिकारकर्मी क्षेत्रीलाई यस अघि सन् २०१२ मा न्यूयोर्क शहर डिस्ट्रिक्ट २५ काउन्सिल सदस्य डानियल ड्रमले ‘इमिग्रेन्ट हेरिटेज अवार्ड’ द्वारा सम्मान गरेका थिए भने युएसनेपालअनलाईनले उनले गरेको समाज सेवाको उच्च कदर गर्दै सन् २०११ मा ‘गेस्ट अफ अनर’ द्वारा सम्मान गरेको थियो ।

न्यूयोर्क शहरको कुइन्सस्थित विशेष गरी नेपाली दिदीबहिनीहरुको हक अधिकारको निम्ती कृयाशिल संस्था ‘अधिकार’की कार्यक्रम तथा संगठन निर्देशक अधिकारकर्मी क्षेत्रीसंग नेपालमा झन्डै १५ बर्ष मानब अधिकारको क्षेत्रमा काम गरेको अनुभब छ।

अधिकारकर्मी नर्बदा क्षेत्रीकै सकृय नेतृत्वमा अधिकारले न्यूयोर्कका अन्य आप्रवासी कामदार सम्बन्धि क्रियाशील संघ संस्थाहरुसंग मिलेर सन् २०१० को जुन न १ तारिख न्यूयोर्क राज्य संसदबाट घरेलु कामदारहरुको अधिकार सम्बन्धी विधेयक पारित गराउन सफल भईसकेको छ। न्यूयोर्क राज्यपछि हवाई, क्यालिफोर्निया, मासाचुसेट्स र ईलिनोई राज्यले घरेलु कामदारहरुको अधिकार सम्बन्धी बिधेयक पारित गरिसकेको छ ।

उता अन्तराष्ट्रिय श्रम संगठन (आईएलओ) ले सन् २०११ मा घरेलु कामदारहरुको हक अधिकारको ग्यारन्टी (प्रत्याभूति ) गर्दै अन्तराष्ट्रिय कानुन पारित गरिसकेको छ । उक्त कानुन पास गराउन दबाब दिन अधिकारकर्मी क्षेत्री पनि अमेरिकि प्रतिनिधिहरुसंग जेनेभा पुगेकी थिईन् । अमेरिकामा घरेलु कामदारहरु २५ लाख भएको र विश्वभर दुई करोड ५ लाख भएको अनुमान गरिन्छ ।

अधिकार संस्थाको संगठन निर्देशकको रुपमा अन्य आप्रवासीहकका लागि संघर्षरत संघसंस्थाहरुसंग मिलेर न्यूयोर्क राज्यबाट सन् २०१५ मा नेल्स सलुन टेक्निसियन(नङ तथा प्रसाधनालय प्राबिधिक ) कामदारहरुको हक अधिकार सम्बन्धी बिधेयक पारित गराउन सक्नुलाई अधिकारकर्मी क्षेत्रीले अर्को सफलता र खुशीको कुरा ठान्दछिन् ।

नर्बदा क्षेत्री

जसको फलस्वरुप न्यूयोर्क राज्यमा अहिले शृंगार तथा नङ पसलमा काम गर्ने वैधानिक कागज भएका या नभएका कुनै पनि कामदारले नेपाली लगायत बिभिन्न भाषामा प्रमाणी कारणको लागि परीक्षा दिन सकिने व्यवस्था बनेको छ । क्षेत्री जेसिज अभियान अन्तर्गत रही हेटौडा महिला जेसिजकी समेत पूर्व अध्यक्ष लगायत सामाजिक संस्थामा आबद्ध रहेकी थिइन् l

नेपाली युवा अमेरिकामा सम्मानित

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More