अनेसास कतारको साहित्यिक वाचन श्रृंखलाको ७२ औं डबली सम्पन्न

12 August, 2017 13:55 | प्रबास | comments | 5100 Views

अनेसास कतार

दिलिप पराजुली,दोहा – अन्तराष्ट्रिय नेपाली साहित्यिक समाज कतार च्याप्टर र नबोदित साहित्यिक वाचनालय कतारले आयोजना गर्दै आएको नियमित डबलीको ७२ औं श्रृंखला सम्पन्न गरेको छ ।

दोहाको टपफम रेस्टुरेन्टको सभा हलमा सम्पन्न उक्त डबलीमा विशिष्ट श्रोताको रुपमा लामो समय देखी दोहाको सामाजिक गतिबिधिमा संलग्न हंसराज ढकाल रहेका थिए भने तीन दर्जन भन्दा बढी साहित्यिक अनुरागीहरुले आ -आफ्नो गजल, कविता बाचन गरेका थिए ।

विशिष्ट श्रोतालाई खादा ओडाएर शुरु गरिएको कार्यक्रममा राष्ट्रिय गान समेत गाइएको थियो । कार्यकममा बिभिन्न प्रेम भाव बोकेका गजल तथा कविता बाचन गरेका थिए । निधारित समयमा शुरु गरिएको कार्यकममा सागर भण्डारी, माधब पौडेल, जनक राज सापकोटा, इश्वर राई, शेखर बस्नेत, चक्र कार्की, रुप रसाइली, लिलानाथ घिमिरे, बेचन महतो, हरिबिनोद अधिकारी, बिन्देश्वर ठाकुर, राजेश्वर ढकाल, मणि पौडेल, टिका खड्का, दीप मिलन, दीलिप पराजुली, लेख कार्की र प्रेम प्रसाद भट्टराईले गजल,कविता र गीत बाचन थिए ।

कार्यक्रममा अनेसास कतारका उपाध्यक्ष प्रेम प्रसाद भट्टराई र नबोदित वाचनालयका अध्यक्ष लेख कार्कीले नयाँ सर्जकहरुलाई कार्यक्रमको बारेमा प्रस्ट पारेका थिए भने कार्यकमलाई बसन्त भुजेल संचालन गरेका थिए ।

कार्यक्रमको अन्तिममा विशिष्ट श्रोता हंसराज ढकालले सम्पुर्ण सहभागीलाई बधाई दिदै दोहाको परिवेशमा यो डबली एउटा नमुना बनेर जानेमा आफु ढुक्क भएको बताए । उनले भने साहित्य भनेको आफ्नो संस्कृति र परिवेशलाई हाम्रो आफ्नै दृष्टिकोण र शब्द मार्फत अरुसम्म पुर्याउने हो, जसले समाजलाई सहि दिशा तर्फ मार्ग्निर्देशन गर्ने बताउदै कार्यक्रमको आगामी डबलीमा समय मिले सम्म उपस्थिति जनाउने प्रतिवद्धता गर्दै कार्यकमको समापन गरेका थिए ।

ढकाल गैर आवासीय नेपाली संघ अन्तराष्ट्रिय समन्वय परिषद् कतारका सदस्य हुन ।

अनेसासको पाँचौ अधिवेशन तथा मोती जयन्ती कतारमा सम्पन्न

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More