हेम सरिता पाठक फाउण्डेशन हेम सरिता पाठक फाउण्डेशन

  • हेम सरिता पाठक फाउण्डेशन
  • हेम सरिता पाठक फाउण्डेशन

अमेरिकाबाट डा केसीको भ्रष्टाचार विरोधी अभियानमा ऐक्यवद्धता

10 January, 2018 15:11 | प्रबास | comments | 15900 Views

हेम सरिता पाठक फाउण्डेशन

प्रधानन्यायाधीश गोपाल पराजुलीको विरुद्धमा अभिव्यक्ति दिए पछि पक्राउ परेका अभियन्ता डाक्टर गोबिन्द केसीको अभियानमा भ्रष्टाचार विरुद्ध बिभिन्न अभियानहरु चलाउदै आएको संस्था हेम सरिता पाठक फाउण्डेशनले पनि ऐक्यवद्धता जनाएको छ ।

अमेरिकामा रहेर पनि नेपालको भ्रष्टाचार अन्त्यका लागि बिभिन्न कार्यहरु गर्दै आएको फाउण्डेशनले सोमबार एक विज्ञप्ती जारी गर्दै डाक्टर केसीलाई तत्काल रिहाई गर्न माग समेत गरेको छ ।

फाउण्डेशनले जारी गरेको विज्ञप्ती अनुसार अदालतप्रति आफुहरुको पनि उच्च सम्मान रहेको र हरेक नागरिकले अदालतको सम्मान गर्नु उसको दायित्व भएको भए पनि जब कोहि व्यक्तिले अदालतमा रहेर खराब कार्य गर्न खोज्दछ भने उस प्रति औंला ठड्याउनु पनि सचेत नागरिकको दायित्व भएको समेत जनाइएको छ ।

भ्रष्टाचार गर्ने या भ्रष्टाचारीलाई सहयोग गर्न खोज्ने व्यक्ति कसैको पनि नहुने मान्यता बोकेर अगाडि बढेको संस्थाले न्यायलय वा प्रशासनिक क्षेत्र जहाँ भए पनि नागरिकले खबरदारी गर्दैमा आत्तिएर उसलाई थुन्न खोज्नु भन्दा पनि जनहितका लागि काम गर्ने हुनु पर्ने जनाइएको छ । नेपालमा लाखौं मुद्धाहरु लाईनमा भएको बेला गोबिन्द केसीको मुद्धा भने नाटकिय रुपमा अगाडि बढाईएकोमा पनि फाउण्डेशनले आश्चर्य प्रकट समेत गरेको छ ।

फाउण्डेशनले नेपालको भ्रष्टाचार अन्त्यका लागि हरेक बर्ष भ्रष्टाचार विरुद्ध उत्कृष्ट कलम चलाउने पत्रकार, साहित्यकार र राष्ट्रसेवकहरुलाई समेत प्रोत्साहन स्वरुप पुरस्कृत गर्दै आएको छ ।फाउण्डेशनले भ्रष्टाचार विरुद्ध अभियानका लागि गितहरु समेत निकाल्दै आएको छ ।

पक्राउ पर्दा डा. केसीले भने, ‘आदेश मान्दिनँ, प्रधानन्यायाधीशविरुद्ध लड्छु’

 

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

बाना

फेसबुक

बाना

ट्वीटर

सामाजिक सञ्जाल

More