नेपालस्थित अमेरिकी दूतावास नेपालस्थित अमेरिकी दूतावास

  • नेपालस्थित अमेरिकी दूतावास
  • नेपालस्थित अमेरिकी दूतावास

अमेरिकाले भन्यो – उम्मेदवारमाथिको आक्रमण निन्दनीय

21 November, 2017 12:09 | पत्रपत्रिका | comments | 13800 Views

नेपालस्थित अमेरिकी दूतावास

संयुक्त राज्य अमेरिकाले प्रदेशसभा र प्रतिनिधिसभाका उम्मेदवारमाथि भइरहेका आक्रमणप्रति चिन्ता व्यक्त गरेको छ।नेपालस्थित अमेरिकी दूतावासले सोमबार प्रेस विज्ञप्तिमार्फत हिंसाद्वारा निर्वाचन प्रक्रियामा अवरोध पुर्‍याउने कार्यको निन्दासमेत गरेको छ।

‘स्थानीय तहका तीनवटै चरणका निर्वाचन शान्तिपूर्ण रूपले सम्पन्न भएपछिको अवस्थामा अहिले उम्मेदवारमाथि भइरहेका आक्रमणप्रति संयुक्त राज्य अमेरिका चिन्तित छ। हिंसाको प्रयोगद्वारा निर्वाचन प्रक्रियामा अवरोध पुर्‍याउने कुनै पनि प्रयासको निन्दा गर्दछ’, विज्ञप्तिमा भनिएको छ।

अमेरिकाले आसन्न निर्वाचनका दुवै चरणमा सबै पक्षलाई शान्तिपूर्ण तथा लोकतान्त्रिक प्रक्रिया कायम गर्न र अपनाउन आग्रह गरेको छ ।’हिंसा वा हानीको त्रासबिना निर्वाचन प्रक्रियामा सहभागी हुन पाउने नागरिक हकलाई संरक्षण गर्नु लोकतान्त्रिक निर्वाचन प्रणालीको मुख्य सिद्धान्त हो’, विज्ञप्तिमा भनिएको छ।

नेपालको कानुन र संविधानमा व्यवस्था गरिएबमोजिम शान्तिपूर्ण अभिव्यक्ति स्वतन्त्रताका साथै शान्तिपूर्ण रूपमा भेला हुन पाउने स्वतन्त्रता र अधिकारलाई सम्मान गर्न अमेरिकाले सबै पक्षसँग आग्रह गरेको छ।’निर्वाचन राजनीतिक बहसको समय भए पनि लोकतन्त्रमा मतपेटिकाको माध्यमबाट विमति व्यक्त गरिन्छ। हामी सुरक्षा निकायलाई पनि कर्तव्य पालना गर्दा संयम अपनाउन र राष्ट्रिय तथा अन्तर्राष्ट्रिय मापदण्डको पालना गर्न आग्रह गर्न चाहन्छौँ’, विज्ञप्तिमा भनिएको छ।

आजको अन्नपुर्ण पोष्टमा खबर छ ।

निर्वाचन विरोधी गतिविधिको अमेरिकाद्धारा निन्दा

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

युवालाई स्वदेशमै रोजगारको व्यवस्था गर्न जोड

फेसबुक

युवालाई स्वदेशमै रोजगारको व्यवस्था गर्न जोड

ट्वीटर

सामाजिक सञ्जाल

More