Friday 26, May 2017
नेपाली समय: 10:07:10
जापानी समय: 01:22:10

एनआरएनए युएईले बुद्धजयन्ती मनायो

15 May, 2017

एनआरएनए युएईले बुद्धजयन्ती मनायो

राम ढुंगेल, अबुधाबी । गैरआवासीय नेपाली संघ युएईले २५६१ औं बुद्धजयन्ती अबुधाबीमा एक कार्यक्रम गरि मनाएको छ ।

रकगायक रविन तामाङको प्रमुख आतिथ्यमा आयोजित कार्यक्रममा एनआरएनए एनसीसी युएईका अधिकांश पदाधिकारीहरुले बुद्धको तस्वीरमा माल्याअर्पण गरी बुद्धको महिमा गाउँदै बुद्धजयन्ती मनाएको एनआरएनएले जनाएको छ ।

विश्व शान्तिका अग्रदूत गौतम बुद्धको सन्देशहरु अझै पनि समयसापेक्ष भएको वक्ताहरुले जोड दिएका थिए । मे १२ तारिख अबुधाबीको भान्साघर रेस्टुरेन्टमा आयोजित कार्यक्रममा एनआरएन युएईका अध्यक्ष सुदिप कार्कीले युएईका केही नेपाली संस्थाहरुले बुद्धको नाममा विभेदको राजनीति गरेको बताए । उनले बुद्धको शान्ति, सहिष्णुता र भातृत्वको भावनालाई लत्याएर गुटउपगुटमा विभाजित गराउने खेलले कसैलाई बुद्धत्व प्राप्त नहुने र त्यस प्रकृतिका कामहरु बुद्धचिन्तन विपरीत हुने दाबी गरेका थिए ।

कार्यक्रममा एसियाका तारा गौतम बुद्धको शान्ति, अहिंशा र त्यागको मार्गमा जीवनलाई डोहोर्याएमात्र बुद्धजयन्ती मनाउनुको सार्थकता झल्कने कुरामा जोड दिइएको थियो ।

एनआरएनए राक क्षेत्रीय कमिटीले पनि रास अल खेमा क्षेत्रमा विभिन्न नेपाली संघसंस्थाहरुको सहकार्यमा बुद्धजयन्ती मनाएको क्षेत्रीय अध्यक्ष राजेन्द्र रास्योराले बताएका छन् ।

यसैबीच एनआरएनए युएईले एनसीसी सदस्य भोजराज फुँयाल (शंकर) लाई बिदाई कार्यक्रम गरेको छ । लामो समय युएईका रोजगारीका क्रममा रहेका प्रस्टवक्ता, सामाजिक व्यक्तित्व फुँयाल पुनः युएई नफर्कने गरी नेपाल जाँदै छन् । नेपाली दुतावासमा आयोजित बिदाई कार्यक्रममा फुयाँलले युएईमा रहँदा निर्वाह गरेको भूमिकाको सबैले प्रशंसा गरेका थिए ।

बुद्धजयन्तीका अवसरमा अस्थी धातु प्रदर्शन

Loading...
ads ads ads ads ads ads ads
ads
ads
logo

ताजा समाचार

जापान

राजनीति

अर्थ

प्रबास

कला/मनोरञ्जन

विश्व समाचार

खेल

एन आर एन न्युज

ads
logo
ads
logo
logo