ओम बिक्रम बिष्टको सहयोगार्थ एक घन्टाभित्र दुई लाख १० हजार जुट्यो

16 January, 2018 15:58 | प्रबास | comments | 97500 Views

मृगौला रोगले अमेरिकामा थला परेका पप सम्राट ओमविक्रम बिष्टको उपचारका लागि आर्थिक सहयोग जुटाउन नर्थ क्यारोलिनामा गरिएको कोष वृद्धि कार्यक्रमबाट एक घण्टाभित्रै दुई लाख १० हजार जुटेको छ ।

सामाजिक संजाल फेसबुकको प्रत्यक्ष प्रसारणबाट सांगीतिक कोसेली प्रस्तुतको साथ गरिएको कार्यक्रममा त्यति रकम उठेको हो । कार्यक्रम अमेरिकाको दक्षिण पूर्वी १५ वटा राज्यहरुमा बसोबास गर्ने नेपालीहरुको साझा संस्था नासा नेप्लिज एसोसिएसन अफ साउथ ईस्ट अमेरिका र टीयनसीसीको संयुक्त प्रस्तुतिमा आयोजना भएको थियो ।

मलाई आवाज देउ बोलको गीतबाट शुरूवात भएको उक्त कार्यक्रममा कलाकार सुमन भट्टराई, अग्नि बियांडका लीड भोकलिस्ट प्रदीप घिमिरे र पुराना आधुनिक गायक बसन्त खड़काले गायक बिस्टका चर्चित गीतहरू गाएका थिए ।

कार्यक्रममा विश्वभर छरिएर रहेका नेपालीहरुलाई पप गायक बिष्टको उपचारको सहयोगको लागि अनुरोध गरिएको थियो र कार्यक्रम चलिरहदा दर्शकहरुले प्रत्यक्ष दान पनि गर्ने भएकोले पे-पल लिंक राखि सम्पूर्ण दाताहरुको नाम कार्यक्रममा उल्लेख गरिएकोले यस कार्यक्रम अत्यन्तै सफल भएको नासाका बर्तमान सभापति माधव ढकालले जानकारी दिए ।

यस अघि नासाका सांस्कृतिक समितिका अध्यक्ष विशाल भारतीले आफ्नै सक्रियतामा यस्तै फेसबुक लाइभ फन्ड रेजिंग कार्यक्रम गरेर कलाकार दिपक छेत्रीको उपचारको लागि रु २ लाख र केही समय अगाडी मात्रै पुर्बी नेपालमा आएको बाढीमा १०१३ घर धुरीलाई राहत प्याकेज करिब ७ लाख रुपैया र ७ जना मृतक परिवारलाई रु पाँच हजारको दरले बाड्न सफल भएका थिए ।

गायक ओमबिक्रम बिष्टको आफ्नो दुवै मृगौला खराव भएपछि अमेरिकामा आफ्नो छोरी ज्वाईको घरमा बसेर डायलसिस गराई रहेका छन् । सामान्यता अमेरिकामा मृगौला प्रत्यारोपणको लागि ५ देखि १० वर्षसम्म कुर्नुपर्ने भएकोले गायक बिष्ट भारतमा गई तुरुन्त उपचार गर्न इच्छुक रहेको र आफुसंग खर्चको अभाव रहेको भनि विभिन्न संचार माध्यमबाट सबै नेपालीहरुसंग सहयोगको लागि अनुरोध गरेका थिए ।

सो कार्यक्रमलाई अमेरिकाबाट संचालित ५ वटा चर्चित संचार माध्यमहरू क्रमस इनेप्लिज, नेपालिसाईट, ओएसनेपाल, डिसीनेपाल र फिल्मी वजारले प्रत्यक्ष प्रसारण गरेका थिए ।

पप सम्राट ओम विक्रम बिष्टको उपचारमा खर्चको अभाव, सहयोगको याचना

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

जलविरे झरना

फेसबुक

जलविरे झरना

ट्वीटर

सामाजिक सञ्जाल

More
error: Content is protected !!