पदम राई पदम राई

  • पदम राई
  • पदम राई
  • पदम राई
  • पदम राई
  • पदम राई
  • पदम राई

केपी–प्रचण्डले पाँच वर्षमा माखो मार्दैनन्ः राई

18 March, 2018 11:07 | राजनीति | comments | 103800 Views

पदम राई

नेपाल कम्युनिस्ट पार्टींका पोलिट्ब्यूरो सदस्य पदम राईले नेकपा एमालेका अध्यक्ष केपी शर्मा ओली र माओवादी केन्द्रका अध्यक्ष प्रचण्ड ढोंगी नेता भएको बताउँदै संयुक्त सरकारले जनताको पक्षमा काम गर्न नसक्ने बताएका छन् ।

उनले संसदीय व्यवस्था जनता विरोधी हुने भएकोले राम्रो गर्छु भन्नु दिउँसै सपना देख्नुजस्तै भएको दाबी गरे ।

adsads
“केपी र प्रचण्ड ढोंगी नेता हुन् । उनीहरुले जनताको पक्षमा काम गर्नु त गर्दैनन् नै, पाँच वर्षसम्म माखो समेत मार्न सक्ने छैनन्” राईले भने ।

शनिबार संवाद डबलीमा आयोजित ‘जनसांस्कृतिक सम्मिलन’ कार्यक्रममा बोल्दै नेता राईले नेकपा एमाले र माओवादी केन्द्रमा खराबहरुको बहुमत भएकोले बताए । “एमाले र माकेभित्र इमान्दार नेता–कार्यकर्त पनि छन् तर उनीहरु कम छन्, डाँका र बदमासहरु हाभी भएका छन् । त्यसैले ओली र प्रचण्ड डाँकाहरुका नेता हुन्, जनताको पक्षमा काम गर्दैनन्” राईले भने ।

पूर्वमन्त्री समेत रहेका राईले संसदीय व्यवस्थाले जनताको पक्षमा काम नगर्ने कुरा पुष्टि भइसकेकोले आफ्नो पार्टी वैज्ञानिक समाजवादको लागि संघर्षको थालनी गरेको बताए । कार्यक्रममा नेकपाका केन्द्रीय सदस्य आजादले पुँजीवादी व्यवस्थाले कलाकारहरुलाई मनोरञ्जनका साधन मात्रै बनाउने भएकोले वैज्ञानिक समाजवादमा मात्रै हक र अधिकारको रक्षा हुने बताए । चलचित्र क्षेत्रमा दिनप्रतिदिन दलालीकरण बढेको भन्दै राईले त्यसविरुद्ध क्रान्तिकारी तथा प्रगतिशील कलाकारहरु नै जुट्नुपर्ने बताए ।

अखिल नेपाल जनसांस्कृति महासंघका महासचिव खेम थपलियाले राष्ट्रियता, जनतन्त्र र जनजीविका साथै, नेपाली जनताको वास्तविक जनसंस्कृति स्थापनाको लागि परिवर्तनकारी सांस्कृतिकर्मीहरुबीच ध्रुविकरण हुनुपर्नेमा जोड दिए । उनले राज्य व्यवस्थामा भइरहेको दलालीकारणसँगै सिंगो कलाकारिता क्षेत्रमा पनि दलालीकरण बढेको बताउँदै त्यसविरुद्ध फेरि संघर्ष थाल्नुपर्ने बेला आएको बताए ।

अखिल नेपाल क्रान्तिकारी चलचित्र संघका अध्यक्ष विवेक सापकोटाले चलचित्र क्षेत्रमा मौलाईरहेको श्रम शोषणसँगै विकृति विसंगतिविरुद्ध आफूहरु संघर्ष थाल्ने बताए । कार्यक्रममा विभिन्न पार्टीमा आस्था राख्दै आएका दुई दर्जन चलचित्रकर्मी नेपाल कम्युनिस्ट पार्टीमा प्रवेश गरेका थिए । कलाकारहरु संयोग राणा, पार्वती कार्की, सम्राट बस्नेत, गणेश मल्ल ठकुरी, अर्जुन भुसाल, सन्जय थापा, सरुची लामिछाने, करुणा लामिछाने, अनराग ठकुरी, रोर्वट सिंह पौडेल, केशव भट्टराई, गणेश साउद, डम्बर बिक, विश्व घिसिङ, दिलिप श्रेष्ठ, राजु लामा, राज गोले, कमलाई बर्देवा, कुशुम परियार, प्रेम परियार, विक्रम प्रसाद पण्डित, सस्मन चदारालगायत अखिल नेपाल क्रान्तिकारी चलचित्रकर्मी संघमा प्रवेश गरेका छन् ।

प्रधानमन्त्री ओलीलाई प्रचण्डले भने–एक्सन लिएर काम गर्नुस्

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।
पदम राई

तपाईंको प्रतिकृया

Loading...

ताजा समाचार

एन्फालाई प्रादेशिक संरचनामा लैजाने निर्णय

फेसबुक

एन्फालाई प्रादेशिक संरचनामा लैजाने निर्णय

ट्वीटर

सामाजिक सञ्जाल

More