पारमाणविक युद्धले भोकमरी गराउनने मात्र नभई मानवसभ्यता नै अन्त्य गर्नसक्ने

11 December, 2013 12:15 | विश्व समाचार | comments | 12900 Views

भारत तथा पाकिस्तानबीच पारमाणविक युद्ध भएमा विश्वव्यापी भोकमरी उत्पन्न गराउनसक्ने, त्यसबाट दुई अर्ब मानिसको मृत्यु गराउनसक्ने र मानवसभ्यता अन्त्य गराउनसक्ने एक अध्ययनमा उल्लेख गरिएको छ । नोबेल शान्ति पुरस्कार विजेता पारमाणविक युद्ध हुननदिन तथा सामाजिक जिम्मेवारीबारी लागि चिकित्साशास्त्रीहरूको अन्तर्राष्ट्रिय समूह ‘इन्टरनेसनल फिजिसियन्स फर द प्रिभेन्सन अफ न्युक्लियर वार र फिजिसियन्स फर सोसिएल रेस्पोन्सिबिलिटीले प्रकाशन गरेको यस प्रतिवेदनमा सीमित रूपमा भए पनि पारमाणविक हतियारको सङ्घर्ष भएमा त्यसले वातावरणलाई निकै नराम्रो प्रभाव पार्ने र बाली नष्ट गर्ने उल्लेख गरिएको छ ।

 

सन् २०१२ मा गरिएको यस अध्ययनमा पारमाणविक युद्धका कारण उत्पन्न भोकमरीका कारण एक अर्बभन्दा बढी व्यक्तिको मृत्यु हुने उल्लेख गरिएको छ । यस प्रतिवेदनको दोस्रो संस्करणमा यस समूहले चीनमा पर्ने प्रभावका विषयमा कम आँकलन गरिएको र विश्वमा सबैभन्दा अधिक जनसङ्ख्या भएको मुलुकमा खाद्यान्न निकै कमी हुने उल्लेख गरिएको छ । यस प्रतिवेदनका लेखक आइरा हेलफान्डले पारमाणविक हतियारसम्पन्न भारत तथा पाकिस्तानबीच लामो समयदेखि तनाव कायम भएकाले अध्ययनमा उनीहरूमा ध्यान दिइएको उल्लेख गर्नुभयो । यी मुलुक सन् १९४७ मा स्वतन्त्र भएपछि उनीहरूबीच तीनपटक युद्ध भएको छ । अमेरिकाले सन् १९४५ मा हिरोसिमा तथा नागासाकीमा आणविक बम प्रयोग गर्दा दुई लाख जनताको मृत्यु भएको थियो भने पारमाणविक हतियार ती बमभन्दा निकै शक्तिशाली भएको मानिन्छ । प्रतिवेदनमा अमेरिका तथा रसियाबीच ठूलो युद्ध भएमा मानव जाति नै नष्ट हुनसक्ने अनुमान गरिएको छ ।

 

प्रतिवेदनमा दक्षिण एसियामा पारमाणविक युद्धको कारण पर्यावरणमा जाने कार्बोन एरोसोलको अंशबाट अमेरिकामा मकै तथा भटमासको उत्पादन १० प्रतिशतसम्म घट्नसक्ने अनुमान गरिएको छ । यसका कारण चीनमा धान उत्पादन २१ प्रतिशतसम्म घट्नसक्ने अनुमान प्रतिवेदनमा गरिएका छ प्रतिवेदनमा चिनियाँ गहुँ उत्पादनमा पनि निकै प्रभाव पर्ने उल्लेख गरिएको छ । यसैगरी प्रतिवेदनमा पारमाणविक युद्धको वास्तविक प्रभाव अनुमान गर्न असम्भव भएको र यी कुराको एक मात्र सही उत्तर पारमाविक हतियार नष्ट गर्नु रहेको उल्लेख गरिएको छ ।

 

अमेरिकी राष्ट्रपति बाराक ओबामाले सन् २००९ मा यस विषयमा काम गर्ने बताउनुभएको थियो । उहाँले अन्य मुलुकले यस्तो हतियार राखेसम्म अमेरिकाले पनि राख्ने बताउनुभयो । विश्वका नौ मुलुकमा पारमाणविक हतियार रहेको अनुमान गरिन्छ र त्यसको ठूलो भाग अमेरिका तथा रसियासँग रहेको बताइन्छ ।

 

 

स्रोत : एजेन्सी

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

प्रम कार्यालय

फेसबुक

प्रम कार्यालय

ट्वीटर

सामाजिक सञ्जाल

More