पोर्चुगलबाट यूरोप उपसंयोजकमा भीम केसी ‘कमल’को उम्मेदवारी

11 October, 2017 17:47 | एन आर एन न्युज | comments | 5100 Views

भीम केसी 'कमल'

सुनिल संगम ,लिस्बन – ७६ देशमा राष्ट्रिय समिति रहेको नेपालीहरुको सबैभन्दा ठुलो संस्था एनआरएनएको आठौं विश्व सम्मेलन र महाधिवेशन यही अक्टोबर १४ देखि १७ सम्म भब्य रुपमा काठमाडौंमा हुन गैरहेको छ।

यसै महाधिवेशनबाट नयाँ नेतृत्व पनि चयन हुने भएकोले विभिन्न पदहरुमा उम्मेदवारी घोषणा र प्रतिस्पर्धाको ठूलो दौडधूप शुरु भैसकेको छ । यसै सन्दर्भमा युरोपको क्षेत्रीय उपसंयोजक पदमा पनि झन्डै पौने दर्जन भन्दा बढीले आफ्नो चाहना व्यक्त गर्दै प्रचार प्रसारमा लागिसकेका छन् ।

तर उम्मेद्वारी घोषणा गरेका मध्ये एनआरएनए पोर्चुगलका निवर्तमान अध्यक्ष भीम केसी कमललाई युरोप उपसंयोजकमा आधिकारिक रुपमै एनआरएनए पोर्चुगलले सर्वसम्मत उम्मेदवारको रूपमा प्रस्ताव गरेको छ हुन त सातौँ अधिवेशनको बेला सोही पदमा थोरै मात्र मतले पराजित हेमन्त सेढाईले फेरि पनि इच्छा व्यक्त गरेका छन् ।तर उनी एकबर्ष अगाडि नै सपरिवार स्थायी रूपमा लन्डन बसाईं सरिसकेको हुँदा पोर्चुगलबाट केसी सर्वसम्मत साझा उम्मेदवार बनेका हुन् ।

केसीलाई पोर्चुगलमा महत्वपूर्ण संघ संस्थाहरु, नेपाली जनसम्पर्क समिति पोर्चुगल, प्रवासी नेपाली मंच पोर्चुगल, जनप्रगतिशील मंच पोर्चुगल, संघिय समाजबादी फोरम पोर्चुगल, अन्तर्राष्ट्रिय नेपाली समाज पोर्चुगल, आदिबासी जनजाति महासंघ पोर्चुगल, अन्तराष्ट्रिय नेपाली साहित्य समाज पोर्चुगल, नेपाली नारी समाज पोर्चुगल लगायत अन्य जातिय तथा क्षेत्रीय संघ संस्थाहरुको साथ समर्थन र एक्यवद्धता रहेको साथै पोर्तुगलबाट १२६ प्रतिनिधिले मताधिकार पाउने भएको हुँदा उनको जीत सु-निश्चित देखिएको छ भने बेलायत, बेल्जियम, स्पेन, जर्मनी, होल्याण्ड, पोल्याण्ड लगायतका प्रतिनिधिहरुबाट पनि उल्लेख्य भोट आउने अनुमान गरिएको छ ।

महाधिवेशनमा पोर्चुगलको तर्फबाट वरिष्ठ उपाध्यक्ष तिलक गैरेको संयोजन तथा उपाध्यक्ष कमल गुरुङको सहसंयोजन हुनेछ भने आईसीसी सदस्यहरु नरेन्द्र हमाल, पेमा शेर्पा तथा उपाध्यक्ष गोविन्द सापकोटा, संस्थापक अध्यक्ष पूर्ण हमाल, पूर्व आईसीसी सदस्य मकर बहादुर हमाल तथा पूर्व अध्यक्षहरु रमेश कुमार गुरुङ, निवर्तमान अध्यक्ष तथा उम्मेदवार भीम केसी कमल, पूर्व उपाध्यक्ष गोविन्द पौडेल र शम्भु गौतम लगातले सल्लाकारको भुमिका निर्बाह गर्ने एनआरएनए पोर्चुगलले जनाएको छ ।

कँडेलद्वारा एनआरएनए मध्यपूर्व उपसंयोजक पदमा उम्मेदवारी

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More