प्रदेश नं ५ को राजधानी बुटबल बनाउनुपर्ने माग

17 December, 2017 15:38 | राजनीति | comments | 133650 Views

बुटवल-यहाँका बासिन्दा, राजनीतिक दल र जनप्रतिनिधिले प्रदेश नं ५ को राजधानी रुपन्देही जिल्लाको बुटवलमा बनाउनुपर्नेमा जोड दिनुभएको छ ।

पाल्पाका जननिर्वाचित सांसद, राजनीतिक दल, पूर्वसांसद र बासिन्दाले प्रदेशको राजधानी तोक्दा प्रशासनिक सुगमता, पूर्वाधारको विकास र भूगोलको सुगमतालाई ध्यानमा राखी बुटवलमा नै राजधानी बनाउन उपयुक्त रहेको जनाएका छन् ।

adsads

पूर्वाधारको विकास, अन्तर्राष्ट्रिय विमानस्थल, प्रशासनिक पहुँच र सुगमता, पर्यटकीय क्षेत्र लुम्बिनी र शान्तिका अग्रदूत गौतम बुद्ध जन्मस्थल नजिकको शहर भएकाले पनि ५ नं प्रदेशको केन्द्र बुटवलमै हुनुपर्ने पाल्पालीको माग रहेको नेकपा (एमाले)का केन्द्रीय सदस्य तथा नवनिर्वाचित प्रतिनिधिसभा सदस्य सोमप्रसाद पाण्डेयले बताउनुभयो ।

“देशको सन्तुलित विकास, जनताको हित र सुविधालाई सम्बोधन गर्न केन्द्र, प्रदेश र स्थानीय तहको व्यवस्था गरिएको केन्द्र तोक्दा सबैलाई पायक पर्छ”, उहाँले रासससँग भन्नुभयो ।

नेकपा(माओवादी केन्द्र)का पोलिटब्यूरो सदस्य तथा नवनिर्वाचित प्रदेश सांसद तुलाराम घर्तीले प्रदेश राजधानी तोक्दा प्रशासनिक सुगमता, पूर्वाधारको विकास र भूगोलको सुगमतालाई हेर्नुपर्ने बताउनुभयो ।

नेकपा (एमाले)का पोलिटब्यूरो सदस्य दलबहादुर राना, प्रदेशसभा सदस्य पुरनमान बज्राचार्य, युवराज खनाल र नारायण आचार्यले प्रदेशको राजधानी बुटबल सबैलाई पायक पर्ने जिकिर गर्नुभयो ।

एमालेका धनेन्द्रराज घिमिरे, माओवादी केन्द्रका चक्रब्यू थापा, राप्रपा(प्रजातान्त्रिक)का डुलबहादुर कुँवर, नेकपा (माले)का धनराज पौडेल, सरोकार भएका टीकाराम पौड्याल, जिल्ला समन्वय समितिका सभापति दयाराम बस्याल, तानसेन नगरपालिका प्रमुख अशोक शाहीले पनि बुटबललाई राजधानी तोक्नुपर्ने माग गर्नुभयो ।

४१ को धरौटी जफत

प्रतिनिधिसभा र प्रदेशसभा निर्वाचनमा अधिकांश दलका उम्मेदवारको धरौटी रकम जफत भएको छ । गत मंसिर २१ गते सम्पन्न निर्वाचनमा खसेको मतको १० प्रतिशत मत ल्याउन नसक्ने दलका उम्मेदवारको धरौटी जफत हुने कानूनी व्यवस्थानुरुप नै प्रतिनिधिसभा र प्रदेशसभामा दल तथा तथा स्वतन्त्र उम्मेदवार गरी ४१ जनाको धरौटी रकम फिर्ता हुन सकेन ।
दुई प्रतिनिधिसभा रहेको पाल्पामा २१ जनाको उम्मेदवारी परेको मध्ये नेपाली काँग्रेस, नेकपा (एमाले) र नेकपा (माओवादी केन्द्र) बाहेक दलका धरौटी जफत भएको हो ।

दश प्रतिशतभन्दा कम मत ल्याउने उम्मेदवारको धरौती जफत भएको मुख्य निर्वाचन अधिकृत शंकरराज बरालले जानकारी दिनुभयो । पाल्पामा प्रतिनिधिसभासर्फ १७ र प्रदेशसभा २३ उम्मेदवारको धरौटी जफत भएको हो । दुई प्रतिनिधिसभामा एमाले तथा चार प्रदेश क्षेत्रमध्ये तीनमा एमाले र एकमा माओवादी केन्द्र विजयी भएका छन् ।

पाल्पामा कांग्रेसले कृषि, पर्यटन, जलस्रोत र पूर्वाधार विकासमा जोड दिने

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

सुपर मादी जलविद्युत् आयोजना

फेसबुक

सुपर मादी जलविद्युत् आयोजना

ट्वीटर

सामाजिक सञ्जाल

More