प्रदेश ४ मा माओवादी कमजोरः ९२ मध्ये ५ वटामात्रै हातलागि

19 May, 2017 21:46 | राजनीति | comments | 6 Views

पहिलो चरणको स्थानीय दहको निर्वाचनमा चार ४ नम्बर प्रदेशमा नेकपा माओवादी केन्द्र कमजोर देखिएको छ ।
एक महानगर सहित ९२ स्थानीय तह रहेको ४ नम्बर प्रदेशमा माओवादी केन्द्रले पाँच वटा गाउँपालिकामा मात्रै विजयी भएको छ । गोरखामा दुई, लमजुङमा एक, तनहुँ र बागलुङमा एक वटा स्थानमा मात्र माओवादीले जीत हासिल गरेको हो ।

माओवादीबाट विजयी हुनेमा गोरखाको शहिद लखन गाउँपालिकामा रमेश थापा र सुलीकोट गाउँपालिका विष्णु भट्ट विजयी भएका हुन् । त्यसैगरी, एमालेसँग गठबन्धन गरेको लमजुङमा पनि माओवादीले दोर्दी गाउँपालिकामा माओवादीका ओमबहादुर गुरुङ विजयी भएका छन् ।
तनहुँ बन्दीपुर गाउँपालिकामा माओवादीका पूर्णसिंह थापा र बागलुङको ताराखोला गाउँपालिकामा प्रकाश घर्ती विजयी भए ।

चार नम्बर प्रदेशमा लमजुङको राइनस नगरपालिका र कास्कीको पोखरा लेखथान महानगरपालिकाको मात्रै नतिजा आउन बाँकी छ । जसमा राइनसमा एमालेसँग गठबन्धन गरेको माओवादी उपमेयरमा अगाडि छ भने पोखरामा कांग्रेससँग गठबन्धन गरेकाले मेयरमा उमेदवार छैनन् ।

 

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More