प्रधानमन्त्रीलाई ओलीको प्रश्न मधेशी मोर्चा चुनावमा के गरे आउँछ ?

21 March, 2017 00:09 | राजनीति | comments | 4350 Views

एमालेका अध्यक्ष केपी शर्मा ओलीले मधेशकेन्द्रित दलहरु बैशाख ३१ गतेका लागि घोषित स्थानीय तहको निर्वाचनमा सहभागी हुने सुनिश्चिता सहितको प्रस्ताव प्रधानमन्त्री पुष्पकमल दाहालसँग मागेका छन् ।

बालुवाटारमा सोमबार साँझ बसेको बैठकमा प्रधानमन्त्री हादालले राखेको प्रस्ताव माथि जवाफ दिने क्रममा एमाले अध्यक्ष ओलीले मधेशकेन्द्रित दल निर्वाचनमा सहभागी हुने सुनिश्चित आधार खोजेका हुन् ।
‘के हुँदा मधेशी मोर्चा चुनावमा आउँछ ? संविधान संशोधनमा के गर्नु पर्ने हो  ? राज्यले के गरयो भने मधेशी मोर्चा चुनावमा सहभागी हुन्छ ?’ ओलीका प्रश्न उघृत गर्दै एमाले संसदीय दलका उपनेता सुवासचन्द्र नेम्वाङले भने ‘संविधानमा पहिलो संशोधन गर्ने वेलामा पनि तत्कालीन प्रधानमन्त्री सुशील कोइरालालाई संशोधनपछि मधेशी मोर्चाले घात गरेको होइन? त्यसकारण अहिलेको उहाँहरुको ठोस प्रस्ताव के हो ? जानकारी पाऊ।’
ठोस प्रस्तावका लागि सत्ता पक्षले मधेशी मोर्चासँग वार्ता गर्ने समझदारी भएको पनि नेम्वाङले जानकारी दिए।काँग्रेस,एमाले र माओवादी केन्द्र बैशाख ३१ गते स्थानीय तहको निर्वाचन गराउन र ०७४ माघ ७ भित्र प्रदेश र संसदको निर्वाचन गराउन प्रतिबद्ध रहेको नेम्वाङले बताए ।
बैठकमा प्रधानमन्त्री प्रचण्डले मधेशकेन्द्रित दललाई गठबन्धनमा ल्याएर निर्वाचनमा सहभागी गराउन आफू तयार रहेको बताउँदै संविधान संशोधनमा सहमति जुटाउने प्रस्ताव राखेका थिए ।
प्रधानमन्त्री प्रचण्डले मधेशकेन्द्रित दललाई स्थानीय तहको निर्वाचनमा सहभागी गराउने उपायका बारेमा सत्ता पक्ष र प्रतिपक्षमा रहेका प्रमुख दलका शिर्ष नेताहरुलाई छलफलमा बोलाएका हुन । ओली र नेम्वाङ आफना कुरा राखेर बैठकबाट बाहिरिएका थिए भने सत्ता पक्षका नेताहरु नयाँ रणनीति बनाउन बैठकमा बसिरहेका थिए ।
बैठकमा प्रधानमन्त्री प्रचण्ड, काँग्रेस सभापति शेरबहादुर देउवा र प्रमुख प्रतिपक्षी दल एमालेका अध्यक्ष केपी शर्मा ओली,राप्रपाका अध्यक्ष कमल थापा र उपप्रधानमन्त्री तथा अर्थमन्त्री कृष्णबहादुर महरा सहभागी थिए।
सोमबार बिहान बसेको बैठक समय अभावका कारण निष्कर्षमा पुग्न नसकेपछि प्रधानमन्त्री दाहालले साँझ बैठक बोलाएका थिए ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More