प्रसिद्ध अमेरिकी सङ्गीतकर्मी चक बेरीको निधन

20 March, 2017 14:33 | कला/मनोरन्जन , हलिउड | comments | 4 Views

chuck-berry
अमेरिकी प्रसिद्ध सङ्गीतकर्मी तथा ‘रक एन्ड रोल’ का पिता चाल्र्स एडवार्ड एन्डरसन बेरी सिनियर (चक बेरी) को सेन्ट लुइस, मिसोउरीस्थित आफ्नै घरमा शनिबार मृत्यु भएको यहाँको प्रहरीले जनाएको छ । उहाँ ९० वर्षको हुनुहुन्थ्यो ।

सेन्ट चाल्र्स काउन्टी प्रहरी विभागले चक बेरीको मृत्यु भएको खबर आफ्नो फेसबुक पेजमा जनाएको छ ।

बेरीको मृत्युको खबर बाहिर ल्याउने एक प्रत्यक्षदर्शीले आफू शनिबार दिउँसो उहाँलाई भेट्दा उहाँले प्रतिक्रिया नजनाउनु भएको थियो ।

त्यसपछि उहाँका निकट सहयोगीले उहाँलाई होसमा ल्याउन गरेका कुनै पनि प्रयास सफल बन्न सकेनन् र अन्तत उहाँलाई दिउँसो १ बजेर २६ मिनेट जाँदा मृत घोषणा गरियो, प्रहरीले भनेको छ ।

सन् १९५० को दशकमा पहिलो प्रसिद्ध अमेरिकी गितारबादक र गीतकारका रूपमा उदाउनुभएका बेरी रक एन्ड रोल सङ्गीतअन्तर्गत ‘जोनी वि गुड’, ‘स्वीट लिटल सिक्सटिन’ र ‘रोल ओभर विथोवन’ जस्ता विश्व प्रसिद्ध गीतका लेखक तथा गायक हुनुहुन्थ्यो ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More