फागुन ७ सम्म टेलिकमको सेवामा छुटैछुट

4 February, 2017 20:45 | जन सरोकार | comments | 1950 Views

नेपाल टेकिलमले आफ्नो १३ औं वाषिर्क उत्सवका अवसरमा विभिन्न आकर्षक छुट तथा डाटा प्याकेज योजना सार्वजनिक गरेको छ ।

टेलिकमले आफ्नो अनलिमिटेड एडिसएसएल सेवामा अहिलेकै शुल्कमा ब्याण्डविथको स्तरोन्नति (अपग्रेड) गर्ने घोषणा गरेको छ । अब अहिले ग्राहकले तिरिरहेकै शुल्कमा तीव्रगतिको इन्टरनेट पाइनेछ ।
१९२ केपिबिएस गितको एडिएसएलका ग्राहकले अहिलेको ९ सय रुपैयाँका शुल्कमा अब २५६ केपिबिएसको इन्टरनेट पाउनेछन् । यसैगरी ३८४ केपिबिएस गतिको इन्टरनेटका ग्राहकले साविककै १५ सय रुपैयाँ शुल्कमा ५१२ केपिबिएसको इन्टरनेट उपयोग गर्न पाउने भएका छन् ।

अब ५१२ केपीबिएसको इन्टरनेट चलाइरहेका एडिएसएलका ग्राहकले ७३८ केपिबिएसको इन्टरनेट गति प्राप्त गर्नेछन् । फागुन महिनामा ल्याण्डलाइनका ग्राहकले मासिक रेन्टल चार्जमा अतिरिक्त २५ कलको सुविधा पनि पाउनेछन् ।

भोलि आइतबारदेखि फागुन ७ गतेसम्म जिएसएम र सिडिएमए पि्रपेडका सबै रिचार्जमा ३ दिनको भ्यालिडेटी सहित बोनस पनि दिइनेछ । ५०, १० र २०० को रिचार्जमा १० प्रतिशत र ५ सय १०००को रिचार्जका १५ प्रतिशत बोनस पाइने भएको छ ।

यसैगरी फोरजीका नयाँ सस्क्राइबरले ४ दिनसम्म १० एमबीको डाटा निशुल्क पाउनेछन् । टेलिकमले शनिबारदेखि पोखरा र काठमाडौंमा पि्रपेड मोबाइलमा पनि फोरजी सेवा सुरु गरेको छ ।

यसैगरी फेरि सुरु भएको सिआरबिटी सेवामा प्रतिदिन एउटा गीताका दरले १५ दिनसम्म निःशुल्क उपलब्ध गराइनेछ । एउटा गीतको भ्यालिडिटी १० दिन रहनेछ ।

जिएसएम नेटवर्कका ग्राहकले २० रुपैयाँमा ५ दिन भ्यालिडिटी भएको १०० एमबीको डाटा उपलब्ध गराइने भएको छ । अन्य सस्तो डाटा प्याकेजहरु पनि टेलिकमले घोषणा गरेको छ ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More