बङ्गलादेशमा पाँच लाख ३६ हजार रोहिङ्गा शरणार्थी

13 October, 2017 18:51 | विश्व समाचार | comments | 2400 Views

म्यानमारको उत्तरी राज्य राखिनबाट बङ्गलादेश छिरेका रोहिङ्गा शरणार्थीको सङ्ख्या ५ लाख ३६ हजार पुगेको छ ।

गएको दुई दिनमा मात्र १४ हजार रोहिङ्गा मुसलमान बङ्गलादेश पुगेका राष्ट्रसंघले जनाएको छ । यो सँगै बङ्गलादेश पुगेका शरणार्थीहरु ५ लाख ३६ हजार पुगेको बिहीबार संयुक्त राष्ट्रसंघका प्रवक्ताले जानकारी दिनुभएको छ ।

संयुक्त राष्ट्रसंघका प्रवक्ता फारहान हकले संयुक्तराष्ट्र संघको राजनीतिक मामिलासम्बन्धी उपमहासचिव जेफ्री फाल्टम्यानले शुक्रबार म्यानमारमका अधिकारीहरुसँग भेटवार्ता गर्ने बताउनु भएको छ ।

उहाँ आउदो मङ्गलबारसम्म म्यानमारमा रहने र यस विषयमा आवश्यक परामर्श गर्ने पनि जानकारी दिनुभएको समाचारमा जनाइएको छ ।

संयुक्त राष्ट्रसंघका महासचिव एन्टोनिओ गुथ्रेसले म्यानमारको राखिन राज्यमा सैनिक कारबाहीका कारण उत्पन्न द्वन्द्वको अन्त्यका लागि बारम्बार आग्रह गर्नुभएको पनि हकले बताउनु भएको छ ।

द्वन्द्व अन्त्य भएको खण्डमा शरणार्थीहरु आफ्नो देश फर्किन पाउने भएकोले सो वातावरण निर्माणमा संयुक्त राष्ट्रसंघ लाग्ने पनि हकले बताउनु भएको छ ।

म्यानमारको उत्तरी राज्य राखिनमा जारी द्वन्द्वको कारण गत अगस्त २५ बाट लाखौंको सङ्ख्यामा रोहिङ्गा मुसलमानहरु छिमेकी राष्ट्र बङ्गलादेश पुगेका छन् ।

सरकारी सैनिकको दमनको कारण ती रोहिङ्गा मुसलमान समुदाय त्यहाँ पुगेका पीडित पक्षको भनाई रहेको छ । तर सरकारले यस प्रकारको दमन नभएको दावी गर्दै आएको छ ।

बङ्गलादेशको कोक्स बजारमा निकै थोरै क्षेत्र र शिवीरहरुमा ती शरणार्थीहरु बस्दै आएका छन् । उनीहरुलाई खाना र आवश्यक आधारभूत आवश्यकताको पनि पूर्ति हुन सकिरहेको छैन ।

यसैबीच प्रवक्ता हकले दिएको अर्काे एक जानकारीअनुसार संयुक्त राष्ट्रसंघीय बालकोष र बङ्गलादेश सरकारले शुक्रबार नै यहाँका बालबालिकाका लागि कम्तीमा पनि १० हजार वटा चर्पी निर्माणका लागि सहमति गरेका छन् ।

शरणार्थी शिवीरहरुमा पानीको प्रबन्ध हुन नसकेको र यसका कारण पानीजन्य रोगहरुको प्रकोप पनि बढ्दो देखिएकोले यसप्रति दाता र राष्ट्रसंघको ध्यानाकर्षण अधिकारकर्मीहरुले गर्दै आएका थिए ।

रोहिङ्गाको जोखिमपूर्ण यात्रा जारी : डुंगा दुर्घटनामा १० बालबालिकासहित १२ को शव भेटियो

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More