‘मधेसी दल सहमतिमा आए चुनाव दुई चरणमा’ अध्यक्ष थापा

19 April, 2017 00:12 | राजनीति | comments | 16350 Views

उपप्रधानमन्त्री कमल थापाले स्थानीय तहको निर्वाचनमा सबै दललाई सहभागी गराउने विषयमा छलफल भइरहेको बताएका छन् ।
रिपोर्टर्स क्लब दाङले आज आयोजना गरेको साक्षात्कार कार्यक्रममा उनले मधेसी दललाई पनि सहभागी गराएर चुनावमा जाने वातावरण सरकारले बनाइहेको जानकारी दिए ।

adsads

सङ्घीय मामिला तथा स्थानीय विकासमन्त्री थापाले भने–“यो ऐतिहासिक महत्वको निर्वाचन भएकाले चुनावको विरोधमा रहेका दललाई एक पटक पुनःविचार गर्न आग्रह गर्दछु । “अझै पनि केही भएको छैन, सहमतिका आधारमा निकास खोज्न सकिन्छ  ।” उनले मधेस केन्द्रित दल पनि सहमतिमा आए चुनाव दुई चरणमा गर्न सकिने विचार व्यक्त गरे ।
उपप्रधानमन्त्री थापाले कुनै बहानामा अब चुनाव नरोकिने र तोकिएकै मितिमा हुनेमा शङ्का नगर्न आग्रह गर्दै भने,“अब चुनाव हुन्छ भन्नेमा कुनै द्विविधा छैन, चुनावको सबै तयारी भइसक्यो ”।
राष्ट्रिय प्रजातन्त्र पार्टीका अध्यक्ष समेत रहेका थापाले निर्वाचन आयोगले राप्रपाको विधानबाट हिन्दू राष्ट्र र संवैधानिक राजसंस्थाको व्यवस्था हटाउने निर्णय गर्नुलाई अराजनीतिक र असंवैधानिक बताउँदै भने, “हामी निर्वाचन आयोगको एकपक्षीय निर्णय कुनै पनि हालतमा स्विकार्ने पक्षमा छैनौँं ”। त्यो निर्णय पुनःविचार नभएमा जस्तोसुकै कठोर निर्णय गर्न हामी बाध्य हुनेछौँ ।”
उपप्रधानमन्त्री थापाले धेरै कम्युनिष्ट पार्टीले अहिले पनि साम्यवाद, जनवाद, जनगणतन्त्र जस्ता मान्यता बोकेकाले के ती संविधानअनुकूल छ भनी प्रश्न गरे ।
तुलसीपुर– उपप्रधानमन्त्री थापाले स्थानीय निकायको निर्वाचनलाई स्वतन्त्र निष्पक्ष भयरहित वातारणमा सम्पन्न गर्नका लागि कुनै कसर बाँकी नराखेर काम गर्न यहाँका कार्यालय प्रमुखहरुलाई निर्देशन दिएङ्का छन् ।
तुलसीपुर उपमहानगरपालिकामा आज सरकारी कार्यालयका प्रमुखहरुलाई निर्देशन दिँदै उनले स्थानीय तहमा काम गर्दै आएका कर्मचारीको समायोजन र व्यवस्थापन गर्नका लागि सरकारले विभिन्न विकल्पसहित गृहकार्य गरिरहेकाले उच्च मनोबलका साथ काम गर्न निर्देशन दिए । उनले स्थानीय तह सञ्चालन गर्नका लागि छिट्टै आवश्यक ऐन आउनेसमेत जानकारी दिए ।
सो अवसरमा जिल्ला समन्वय समितिका प्रमुख कुलबहादुर जिसीले जिल्लाको विकास निर्माणको अवस्थाबारे जानकारी गराएका थिए ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

दुर्घटना

फेसबुक

दुर्घटना

ट्वीटर

सामाजिक सञ्जाल

More