युनेस्को युनेस्को

  • युनेस्को
  • युनेस्को

युनेस्कोबाट हट्ने अमेरिकी निर्णयको राष्ट्रसंघ र फ्रान्सद्वारा दुःख व्यक्त

13 October, 2017 18:45 | विश्व समाचार | comments | 9150 Views

युनेस्को

संयुक्त राज्य अमेरिका युनेस्कोको सदस्यबाट हट्ने निर्णयप्रति संयुक्त राष्ट्रसंघ र फ्रान्सले दुःख व्यक्त गरेका छन् ।

उनीहरुले अमेरिकाले यो निर्णय गर्नु सुखद होइन भनेका छन् । संयुक्त राष्ट्रसंघका महासचिव एन्टोनियो गुथ्रेसले विश्वमा हिंसा बढिरहेको र ठूलो सङ्ख्यका बालबालिका पनि यस युद्धको चपेटामा परिरहेको यस समयमा युनेस्कोले शिक्षामा लगानी बढाउनुपर्ने समय भएको उल्लेख गर्नुभएको छ ।

यस्तो समयमा अमेरिकाले युनेस्को छोड्नुले यो विश्वव्यापी अभियानलाई नै असर पार्ने अवस्था पनि आउनसक्ने राष्ट्रसंघले जनाएको छ ।अमेरिकाको यो युनेस्कोबाट अलग हुने निर्णयको कार्यान्वयन सन् २०१८ को डिसेम्बर ३१ बाट सुरु हुने बताइएको छ । त्यसअघिसम्म अमेरिका युनेस्कोको पूर्ण सदस्यकै रुपमा रहिरहने छ ।

फ्रान्सको राजधानी पेरिसमा मुख्यालय रहेको युनेस्कोबाट आफ्नो प्रतिनिधित्व हट्ने सम्बन्धी निर्णय अमेरिकाले बिहीबार गराएको थियो । सो कुराको जानकारी अमेरिकी विदेश मन्त्रालयले दिएको हो ।

अमेरिका र इजरायलले युनेस्कोका कतिपय निर्णयहरुप्रति असहमति प्रकट गर्दै आएका थिए । यही पृष्ठभूमिमा शुक्रबार अमेरिकाले उक्त निर्णय गरेको थियो । इजरायलले पनि अमेरिकी निर्णयको स्वागत गरेको छ ।

प्यालेस्टाइनलाई युनेस्कोले सन् २०११ मा पूर्ण सदस्यता दिने निर्णय गरेपछि अमेरिकाले त्यसको विरोध गरेको थियो । सो निर्णयको इजरायलले पनि कडा विरोध गरेको थियो ।

अमेरिकाले सोही मितिदेखि नै उक्त निकायलाई दिंदै आएको सहायतामा कटौती गरेको थियो । अमेरिकी सहायता कटौतीपछि युनेस्कोलाई काम गर्न केही कठिन भएका समाचारहरु पनि यसअघि आएका थिए ।

उता अर्काे एक समाचारअनुसार अमेरिकाको यो निर्णयपछि इजरायलका प्रधानमन्त्री बेन्यामिन नेतन्याहुले शुक्रबारै ट्वीटगर्दै युनेस्कोबाट अलग हुने बारेको प्रक्रिया सुरु गर्न इजरायली विदेश मन्त्रालयलाई निर्देशन दिइएको बताउनुभएको थियो ।

नयाँ प्रतिवन्ध लगाउने अमेरिकी निर्णयको इरानद्वारा आलोचना

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

नेपालगञ्जको हुस्सुले पश्चिममा हवाई उडान प्रभावित

फेसबुक

नेपालगञ्जको हुस्सुले पश्चिममा हवाई उडान प्रभावित

ट्वीटर

सामाजिक सञ्जाल

More