शरणार्थी शिविरमा ‘भ्यागुते रोग’ बाट नौ जनाको मृत्यु

14 December, 2017 11:24 | विश्व समाचार | comments | 127950 Views

बङ्गलादेशस्थित रोहिङ्ग्या शरणार्थी शिविरमा शङ्कास्पद भ्यागुते रोगबाट नौ जनाको मृत्यु भएको र ७०० भन्दा बढी व्यक्तिमा सङ्क्रमण भेटिएपछि बङ्गलादेश सरकारले मङ्गलबारदेखि व्यापक खोप अभियान सञ्चालन गरेको छ ।

बङ्गलादेशका स्वास्थ्य अधिकारीहरूले दक्षिणी बङ्गलादेशमा रहेको रोहिङ्ग्या शरणार्थी शिविरमा भ्यागुते रोगको प्रकोप फैलिएकोबारे अनभिज्ञता प्रकट गरे ।

adsads

म्यानमारमा जातिय हिंसा चर्किएपछि केही महिना पहिले भागेर बङ्गलादेश पुगेका छ लाख ४६ हजार रोहिङ्ग्याहरू रहेका शिविरमा भ्यागुते रोगको सङ्क्रमण भेटिएको हो ।

“अहिलेसम्म नौजनाको भ्यागुते रोगको प्रकोपका कारण मृत्यु भएको हुनसक्ने देखिएको छ,” बङ्गलादेशको सरुवा रोग तथा महामारी नियन्त्रण शाखाका प्रमुख मिर्जादि सब्रिना फ्लोराले भन्नुभयो ।

सङ्क्रमण देखिएका ७०० जनामध्ये अधिकांश बालबालिकासहित १०४ जनामा विगत २४ घण्टाभित्र रोगको सङ्क्रमण देखिएको बङ्गलादेशको स्वास्थ्य सेवा विभागले जनाएको छ ।

अधिकारीले शरणार्थी शिविरमा भीड भएका स्थानमा दुई छुट्टै एकाई बनाई प्रयाप्त बास र खाना साथसाथै औषधोपचारको पहँुच नपुग्ने रोहिङ्ग्या शरणार्थीलाई सेवा प्रवाह गर्ने बताएका छन् ।

खोपका कारण पछिल्ला केही दशक यता भ्यागुते रोगका विरामी लगभग उन्मुलनको दिशामा पुगेको बताउने गरिन्छ । यस रोगका कारण श्वासप्रश्वासमा सङ्क्रमण हुने र समयमा उपचार सेवा नलिएमा यसले ज्यानै लिने खतरा हुन्छ ।

सरकार र राष्ट्रसङ्घीय निकायको संयुक्त पहलमा सातबर्ष मूनिका दुई लाख ५० हजार शरणार्थी बालबालिकालाई खोप दिने तयारी थालिएको छ ।

दशैंका लागि पालिएका पशुमा भ्यागुतेको प्रकोप देखियो

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फलफूलका विरुवा वितरण

फेसबुक

फलफूलका विरुवा वितरण

ट्वीटर

सामाजिक सञ्जाल

More