‘शान्ति नेपाली समाज बेलायत’ को नयाँ वर्ष २०७४ कार्यक्रम सम्पन्न

21 April, 2017 21:15 | प्रबास

शान्ति समाज शान्ति नेपाली समाज बेलायतको आयोजनामा गत १८ तारिकको दिन नेपाली नयाँ वर्ष २०७४ को शुभकामना आदान प्रदान कार्यक्रम भव्यताका साथ सम्पन्न भएको छ ।

संस्थाका अध्यक्ष कोशलेश्वर ढकालको सभापतित्वमा, प्रमुख अथिति राजदुत डा. दुर्गा बहादुर सुवेदीद्वारा पानसमा दिप प्रज्वलन गरी कार्यक्रमको शुभारम्भ गरिएको थियो र कार्यक्रममा बिभिन्न संघसस्थाका प्रतिनिधि,बुद्दिजिबि वर्ग लागायत विशिष्ट व्यक्तिहरुको उपस्थिति थियो ।

उक्त कार्यक्रममा ५०० भन्दा बढीको संख्यामा नेपालीहरुको उपस्थिति थियो । साथै कार्यक्रममा संस्थाका उपाध्यक्ष भोजराज भण्डारीले स्वागत मन्तब्य दिएका थिए भने भुपेन्द्र पाठक ले औपचारिक कार्यक्रम संचालन गरेका थिए ।

सांस्कृतिक कार्यक्रम संस्थाका सक्रिय सदस्यहरु जानकी गैरे र बिज्ञान हुमागाईले संचालन गरेका थिए । नेपाली शहिदहरूको सम्झनामा१ मिनेट मौन धारण गरी राष्ट्रिय गान गाउदै कार्यक्रम अगाडी बढेको थियो र मनमोहक बातावरणमा उपस्थित सबैमा नयाँ वर्षको शुभकामना आदान प्रदान भएको थियो । कार्यक्रममा चर्चित राष्ट्रिय लोक तथा दोहरी गायक राजु ढकाल, लोक तथा दोहोरी गायिका जानकी तारामी मगर तथा चर्चित मोडेल रेश्मी तामाङ , पप तथा र्याप गायक नबु घलेले उपस्थित सबैलाई विभिन्न किसिमका लोक तथा दोहोरी गीतहरु तथा नाचगान गरेर भरपुर मनोरन्जन गराएका थिए ।

साथै नेपाली पोशाकमा सजिएका स्थानीय कलाकारहरुले बिभिन्न नेपालको मौलिकता झल्काउने नाचगान गरि रमाइलो गरेका थिए । साथै कार्यक्रममा राफल (चिट्टा) पनि खेलिएको थियो । राफल कार्यक्रम सम्पूर्ण उपस्थित नेपालीहरुहरु एकैसाथ भाग लिन सक्ने कार्यक्रम भएको हुनाले सम्पूर्ण उपस्थित महानुभावहरुले राफलमा सहभागिता जनाएका थिए ।

राफल अतिनै आकर्षक वातावरणमा सम्पन्न भएको थियो र कन्याको हातबाट राफलको नतिजा निकालिएको थियो र प्रथम,दृतिय र तृतीय हुनेलाई आकर्षक पुरस्कारहरु वितरण गरिएको थियो । संस्थाका अध्यक्ष तथा कार्यक्रमका सभापति कोशलेश्वर ढकालले आफ्नो मन्तब्यको क्रममा नयाँ बर्षको शुभकामना दिएका थिए ।

साथै संस्थाले साल भरि गरेका दैविक प्रकोप ,स्वास्थ्य क्षेत्र तथा गरिब ,निमुखा बालबालिकालाई संस्थाले गरेको सहयोगको बारेमा सबैलाई जानकारी गराएका थिए । यस्तै आगामी दिनहरुमा पनि अझै धेरै राम्रा कामहरु गर्नको लागि सबैबाट सुझाव,सल्लाहको अपेक्षा राखेको र सबैलाई आ –आफ्नो ठाउँ बाट सक्दो सहयोगको गरिदिनुहुन अनुरोध पनि गरेका थिए ।

कार्यक्रममा राजदूत डा. दुर्गा बहादुर सुवेदीले आफ्नो मन्तब्यको क्रममा नयाँ वर्षको शुभकामना दिए । साथै संस्थाले बिभिन्न सेवा मुलक काम गरेको सुन्दा धेरै खुसि लागेको र भविष्यमा यस्तै काममा संस्थालाई आफ्नो सधै साथ रहने प्रतिबद्धता ब्यक्त गरेका थिए । कार्यक्रममा योगा गुरु पुस्कर राज पन्त र एनआरएनए आइसीसी सदस्य रोशन केसीको पनि उपस्थिति थियो ।

नयाँ वर्षको अवशर पारेर युकेमा साहित्यिक एवम साँस्कृतिक कार्यक्रम सम्पन्न (भिडियो सहित)

ads
नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More