सकियो समानुपातिक मतगणना : प्रतिनिधिसभामा पाँच दलको मात्र उपस्थिति

17 December, 2017 17:46 | प्रदेश/प्रतिनिधिसभा निर्वाचन | comments | 231300 Views

मंसिर १० र २१ गते भएको प्रदेश र प्रतिनिधिसभा निर्वाचनको सम्पूर्ण मतगणना सम्पन्न भएको छ । आइतबार दिउँसो समानुपातिक निर्वाचन प्रणालीको मतगणना सकिएपछि दलहरुले पाउने सिटको पनि निर्धारण भएको छ ।

adsads

निर्वाचन आयोगले दिएका जानकारी अनुसार सदर भएको ९५ लाख ४४ हजार ७४१ मतमध्ये ३१ लाख ७३ हजार ४९४ मत सहित नेकपा एमाले पहिलो दल बनेको छ । एमालेले कांग्रेस भन्दा ४५ हजार १०५ मत बढी पाएको छ ।

दोस्रो दल कांग्रेसले ३१ लाख २८ हजार ३८९ मत पाएको छ भने माओवादीले १३ लाख ३ हजार ७२१ मत पाएको छ । त्यसै गरी राजपाले ४ लाख ७२ हजार २५४ र संघीय समाजवादी फोरमले ४ लाख ७० हजार २०१ मत पाएका छन् ।

राष्ट्रिय पार्टी बन्ने उद्देश्यसहित निर्वाचनमा होमिएको विवेकशील साझा पार्टीले २ लाख १२ हजार ३६३ मत पाएको छ भने अघिल्लो संसदमा चौथो ठूलो दल रहेको राप्रपाले १ लाख ९६ हजार ७८२ मात्र मत पाएका छन् ।

त्यस्तै राप्रपा प्रजातान्त्रिकले ८८ हजार ३७७, नयाँ शक्तिले ८१ हजार ८३७ र राष्ट्रिय जनमोर्चाले ६२ हजार १३३ मत पाएका छन् । यी दलहरु राष्ट्रिय दल बन्न सकेनन् ।

प्रतिनिधिसभाको समानुपातिकमा ३ प्रतिशत थ्रेसहोल्ड छ । कुल सदर मतको ३ प्रतिशत अर्थात २ दाख ८६ हजार ३४२ मत नपाएका दलहरुले समानुपातिक सिट पाउने छैनन् । यो हिसाबले समानुपातिकमा पाँच दलले मात्र सिट पाउनेछन् । एमालेले ४१ सिट पाउँदा कांग्रेसले ४० सिट पाउनेछ ।माओवादी केन्द्रले १७ सिट पाउने देखिन्छ भने राजपा र फोरमले समान ६, ६ सिट पाउनेछन् ।

१६५ सदस्यीय प्रतिनिधिसभामा पाँच दल मात्र राष्ट्रिय दल बन्न सफल भएका छन् । एमाले सबैभन्दा ठूलो दल बनेको छ । प्रत्यक्षतर्फ ८० (दुई स्वतन्त्रसहित) सिट जितेको एमालेले समानुपातिकमा ४१ सिट पाउँदा कुल १२१ सिटसहित पहिलो दल बन्नेछ ।

प्रत्यक्षतर्फ २३ सिट जितेको कांग्रेस ६३ सिटसहित दोस्रो र प्रत्यक्षतर्फ ३६ सिट जितेको माओवादी ५३ सिटसहित तेस्रो दल बन्नेछ ।

७३ प्रतिशत मत खस्यो

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More
error: Content is protected !!