सगरमाथा आरोही महिला पत्रकारलाई राष्ट्रपतिको शुभकामना

13 November, 2017 14:20 | कर्पोरेट/पर्यटन | comments | 7050 Views

सगरमाथा आरोहण

राष्ट्रपति विद्यादेवी भण्डारीले सगरमाथा आरोहण गर्ने तयारीमा रहेको ‘प्रथम महिला पत्रकार सगरमाथा आरोहण–२०१८’ समूहलाई सफलताको शुभकामना दिनुभएको छ ।

राष्ट्रपति कार्यालय, शीतल निवासमा आइतबार पुगेको आरोही पत्रकारको समूहलाई राष्ट्रपति भण्डारीले सामाजिक जिम्मेबारीबोधका साथ ६४ वर्षको सगरमाथा आरोहण इतिहासमा नयाँ आयाम थपिने उल्लेख गर्नुभयो ।

उहाँले नेपाली नागरिक, महिला तथा पत्रकारको हैसियतले सगरमाथा आरोहणप्रतिको उत्साहजनक सोच सराहनीय भएको उल्लेख गर्दै यसमा आफ्नोतर्फबाट हरतरहको सहयोग रहने प्रतिबद्धता व्यक्त गर्नुभयो ।

सगरमाथा आरोहण समूहमा रोशा बस्नेत (राष्ट्रिय समाचार समिति), प्रियालक्ष्मी कार्की (न्यूज २४ टेलिभिजन), कल्पना महर्जन (मेघा टेलिभिजन), रोजिता बुद्धाचार्य (नेपाल टेलिभिजन तथा विपी कोइराला मेमोरियल प्लानेटोरियम अब्जरभेटरी र विज्ञान सङ्ग्रहालय विकास समिति) र देउराली चाम्लिङ (स्वतन्त्र पत्रकार) गरी पाँचजना महिला पत्रकार छन् ।

आगामी चैतमा सर्वोच्च शिखर सगरमाथाको आरोहण गर्ने तयारीमा रहेका उनीहरु आरोहणसम्बन्धी तालिम लिन आगामी कात्तिक २९ गते दोलखास्थित यालुङरी र रामदुङ (६ हजार मिटर)का गरी दुई हिमाल आरोहण गर्न दोलखाको रोलवालिङ जानेछन् ।

आरोही समूहलाई सफल पार्न सम्पूर्ण नेपालीको हौसला र आशीर्वाद तथा विभिन्न संघ संस्थाको सहयोगको आवश्यकता रहेको आरोहण समूहकी संयोजक कल्पना महर्जनले बताउनुभयो ।

सगरमाथा आरोहणको विश्वमा सन्देश

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More