सत्ता नियन्त्रण फिर्तागर्न जिम्बावेको सेनालाई अफ्रिकी देशहरुको आग्रह

17 November, 2017 17:58 | विश्व समाचार | comments | 20850 Views

जिम्बावेको राष्ट्रिय सेनाको नजरबन्दमा रहनुभएका यहाँका राष्ट्रपति रोबर्ट मुगाबेले आफूले पद नत्याग्ने घोषणा गर्नुभएको छ ।

लामो समय सत्तामा रहेका राष्ट्रपति रोबर्ट मुगाबे गएको बुधबार बिहानदेखि यहाँको सेनाको नियन्त्रणमा रहनुभएको छ । उहाँले बिहीबार तत्कालै पदबाट राजीनामा दिन अस्वीकार गरेको जानकारी आएको छ ।

यहाँको सेनाले देशको समग्र शासन सत्ता लगभग हातमा लिएको छ । उहाँलाई भने उत्तराधिकारीको चयन गर्ने सम्बन्धी विवादमा भन्दै उहाँकै निवासमा नजरबन्दमा राखेको जनाइएको छ ।

हाल सेनाको नजरबन्दमा रहनुभएको उहाँ जिम्बावेमा लामो समयदेखि शक्तिमा हुनुहुनछ । उहाँ ९३ बर्षका हुनुहुन्छ । त्यसो त उहाँले आफ्ना दूतहरु र सेनाप्रमुखसँग वार्ता गर्नुभएको छ ।

सो विषयमा भने अहिलेसम्म केही पनि खुलाइएको छैन । तर उहाँले आफूले सत्ता छोड्न अस्वीकार गरेका समाचारहरु भने बिहीबार नै बाहिर आएका छन् ।

जिम्बावेको विपक्षी दलका नेताले भने मुगाबेले तत्कालै राजीनामा दिनु जिम्बावेका जनताको हितमा हुने बताएका छन । सेनाले देशमा नियन्त्रण कायम गरेको छ तर यहाँ राजनीतिक दलका विरोध प्रदर्शन वा कुनै विरोधका कार्यक्रमहरु भएका छैनन् ।

राष्ट्रपति मुगाबेको सूचना स्रोतबाट प्राप्त विवरणहरुमा उहाँले राजीनामा दिन अस्वीकार गरिरहेको जनाइएको छ तर पनि उहाँ एक हिसाबले शान्तजस्तै हुनुहुन्छ । उहाँले यस सैनिक हस्तक्षेपका बारेमा कुनै पनि प्रतिक्रिया दिनुभएको छैन ।

उहाँले राजिनामा दिनमा नमानेपछि अब सेनाले के कस्तो रणनीति लिन्छ भन्ने बारेमा भने विभिन्न प्रतिक्रियाहरु आइरहेका छन् ।

उता केही अफ्रिकी मुलुकहरुका विदेशमीन्त्रीहरुको बैठकले भने जिम्बावेको सेनालाई कुनै पनि हालतमा सत्तामा लिएको नियन्त्रण फिर्ता लिन र देशलाई सामान्य अवस्थामा फर्काउन आग्रह गरिरहेका छन् ।

९३ वर्ष पुग्दा पनि राष्ट्रपति मुगावे अवकाश लिन अनिच्छुक

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

नेपालगञ्जको हुस्सुले पश्चिममा हवाई उडान प्रभावित

फेसबुक

नेपालगञ्जको हुस्सुले पश्चिममा हवाई उडान प्रभावित

ट्वीटर

सामाजिक सञ्जाल

More