सम्राटकी नातिनी माको विवाह ‘समुद्र राजकुमार’संग

17 May, 2017 18:10 | जापान | comments | 4800 Views

जापानको सम्राटकी नातिनी राजकुमारी माकोले एक कानुनी सहायकसंग बिबाह गर्ने भएकी छिन् । जसलाई समुद्री राजकुमारको उपमान दिइएको छ ।

जापानको शाही परिवारमा वैवाहिक रिति रिवाजका लागि अत्यधिक समय लाग्ने भएकाले सो बिबाहको मिति थय गर्न अरु समय लाग्ने बताएको छ ।

राजकुमारीको मन जित्न सफल की कोमुरोले रिपोर्टरसंग बुधबार बताएका छन् कि विवाहको छिनोफानो हुनु अघि यो जोडीले सार्वजनिक घोषणा गरेर बिबाहको मिति तय हुनेछ । त्यसपछि मात्र विवाहका विषयमा सम्राट र साम्राज्ञीलाई बताउने छन् ।

राजकुमारीसंगको भेटको प्रसंग कोट्याउँदै कोमुरोले उनी कानुनी सहायकको रुपमा काम गरेको र माकोसंग फोनमा कुरा भैरहेको थियो भने यो जोडी टोक्योको अन्तर्राष्ट्रिय मसीही विश्वविद्यालयमा संगै अध्ययन गरेको पनि जानकारी दिएका छन् ।

राजकुमारी माको र उनको हुनेवाला पति दुवै २५ वर्षका छन् र उनीहरु पहिलोपटक टोक्यो शिबुयाको एक रेष्टुरेन्टमा ५ वर्षअघि विदेश अध्ययनको बारेमा कुरा गर्दा भेट भएको थियो । त्यसपछि महिनामा धेरैचोटि भेट भैराख्ने गरेको पनि समाचारमा बताइएको छ ।

कोमुरोलाई एकचोटी कानागावा प्रान्तको शोनन तटको प्रवर्द्धन गर्न समुन्द्रको राजकुमारको उपमा दिइएको थियो । बिबाहपछि माको भने राजकुमारी नरहेर एक साधारण नागरिक मात्र हुनेछिन ।

मकोले कोमुरोलाई आफ्नो अभिभाबकसंग भेट गराइसकेकी छिन् र उनीहरुले त्यसलाई स्वीकार गरेको बताइएको छ ।  विवाहको औपचारिक घोषणा भने अर्को महिने हुने बताइएको छ ।

– आदर्श देवकोटा

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More