सिड्नीमा नेपाली युवतीको डुबेर मृत्यु, एक युवा बेपत्ता

14 February, 2017 17:26 | प्रबास | comments | 4950 Views

sydney

क्रिसमस क्रममा अष्ट्रेलियामा केही नेपालीको पानीमा डुबेर मृत्यु भएको घटना सेलाउन नपाउँदै मंगलबार अर्थात् १४ फेब्रुअरीको बिहानै सिड्नीमा एक नेपाली युवतीको पानीमा डुबेर मृत्यु भएको छ भने अर्का नेपाली युवा बेपत्ता छन् । उनीहरु भ्यालेन्टाइन मनाउन गएको अनुमान छ ।

अस्ट्रेलियामा संचालित माई नेपाल टेलिभिजनका अनुसार विहान ६ बजे एक व्यक्तिले युवतीको शव समुद्री किनारामा देखेपछि प्रहरीलाई खबर गरेका थिए । तत्कालै घटनास्थलमा पुगेको प्रहरीले उनीहरुको लुगा नजिकैबाट बरामद गरेको छ भने घटनालाई शंकास्पद नभएको भन्दै बेपत्ता युवाको खोजी थालेको छ ।

समाचार अनुसार ज्यान गुमाउने नेपाली विद्यार्थी दुई हप्ता अघि मात्रै अष्ट्रेलिया आएकी थिइन् । सिड्नीको न्यूसाउथवेल्स युनिभर्सिटीमा अध्ययनका लागि आएकी नेपाली विद्यार्थी श्रृष्टि भण्डारी भएको खुलेको छ । श्रृष्टि काठमाडौं निवासी हुन् भने वेपत्ता युवा झापा निवासी सुदीप उप्रेती हुन् ।

न्यूसाउथवेल्सका लागि अवैतनिक महावाणिज्यदुत दिपक खड्काले आफु प्रहरीसँग सम्पर्कमा रहेको र बेपत्ता बनेका नेपाली युवा सुदिप उप्रेतीको खोजी भइरहेको जानकारी दिनुभयो ।

सिड्नीको मरुब्रा तटमा गएका उनीहरु नफर्किएपछि साथीभाईले उनीहरुको खोजी गरिएको थियो । मरुब्रासहितका क्षेत्रमा उच्च छाल देखिएपछि एक दिनका लागि बन्द गरिएको छ । सिड्नीमा बिग्रिएको मौसमका कारण यतिबेला खोजी कार्यमा कठिनाई भइरहेको प्रहरीले जनाएको छ ।

एनआरएन अष्ट्रेलियाका उपाध्यक्ष एवं न्यूसाउथवेल्स संयोजक दिनेश पोखरेलले नजिकका आफन्त र परिवारलाई घटनाको बारेमा जानकारी गराइसकिएको बताउनुभयो ।

पौडी खेल्ने क्रममा नदीमा डुबेर अस्ट्रेलियामा एक नेपालीको मृत्यु

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More