सोलिडारिटी कप विजेता खेलाडीले पाए जनही तीन लाख

27 September, 2017 00:26 | खेल | comments | 12750 Views

अखिल नेपाल फुटबल संघ (एन्फा)ले गतवर्ष कात्तिकमा मलेसियाको कुचिङमा भएको एएफसी सोलिडारिटी कप विजेता टोलीलाई नगद पुरस्कार प्रदान गरेको छ ।

एन्फा कम्प्लेक्स सातदोबाटोमा आयोजित कार्यक्रममा एन्फा अध्यक्ष नरेन्द्र श्रेष्ठले २३ खेलाडीसहित प्रशिक्षण टोली र व्यवस्थापकलाई जनही रु तीन लाख प्रदान गरे ।

सहभागी टोलीको गोल रक्षकमा किरण लिम्बू, विकेश कुथु र विशाल श्रेष्ठ छन् भने रक्षकमा आदित्य चौधरी, विराज महर्जन, रविन श्रेष्ठ, अनन्त तामाङ, दीपक गुरुङ, कमल श्रेष्ठ, रञ्जित धिमाल र देवेन्द्र तामाङ छन् ।

मिडफिल्डमा हेमन गुरुङ, विक्रम लामा, विशाल राई, अन्जन विष्ट, राजेन्द्र रावल र सुजल श्रेष्ठ छन् भने फरवार्डमा विमल घर्तीमगर, अनिल गुरुङ, सुमन लामा, रञ्जन विष्ट, नवयुग श्रेष्ठ र भरत खवास रहेका छन् ।

टोलीको प्रमुख प्रशिक्षक ग्योटुकु कोजी, प्रशिक्षक राजु शाक्य, गोलरक्षक प्रशिक्षक उज्वल मानन्धर र व्यवस्थापक विराटजंग शाही छन् ।

सोलिडारिटी कपको फाइनल खेलमा नेपालले मकाउलाई १–० गोलअन्तरले पराजित गर्दै च्याम्पियन बनेपछि एन्फाले पुरस्कारको घोषणा गरेको थियो । सरकारले भने यसअघि नै विजेता टोलीलाई जनही रु तीन लाख प्रदान गरिसकेको छ ।

एसियाली फुटबल महासंघ (एएफसी) को आधिकारिक प्रतियोगितामा नेपालको त्यो पहिलो जित थियो ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More