१२ औं दक्षिण एसियाली खेलकुद (साग) मा बुधबार भएको उसुको खेलमा नेपालले एकै दिन ६ रजत जितेको छ । उसु खेलाडीहरु हरिप्रसाद गोले, सविता राई, झरना गुरुङ, जुनी राई, विन्दु पुन मगर, राजेश चाैधरीले रजत पदक जितेका हुन् ।

नेपालका उसुका खेलाडीहरुले आज स्वर्णका लागि प्रतिस्पर्धा गरेपनि सबै रजतमा चित्त बुझाउन वाध्य भए । मंगलबार ९.०१ अंक प्राप्त गरेका गोलेले बुधबार समान ९.०१ अंक नै प्राप्त गर्दै कुल १८.०२ अंकसहित रजत पदक जितेका हुन् । सो स्पर्धामा भारतका एम ग्यानदास सिंहले कुल १८.७९ अंकसहित स्वर्ण जिते ।यस्तै खोटाङकी सविता राईले उसुमा नेपाललाई रजत पदक दिलाइन् ।

राईले १७.७० अंकसहित रजत जितिन् । सोही स्पर्धामा भारतकी सरातम्बप् छानुले १८.६२ अंकसहित स्वर्ण तथा पाकिस्तानकी कोमल इमान्युयलले कास्य जितिन् ।त्यस्तै सान्सौंकै ६० केजीको स्पर्धामा भारतकी केसिसाम अरुणपमादेवीसँग जुनी राई फाइनलमा २–० ले पराजित भईन । त्यस्तै, झरना गुरुङ ५२ केजीमुनिको स्पर्धामा भारतकै युमनम सनथोईसँग फाइनलमा २–० ले हारेपछि रजतमा सीमित भएकी हुन् ।

विन्दूले सान्सौंमै ७० केजीमुनिको स्पर्धाको भारतकीपूजा काडियनसँग फाइनलमा २–० स्तब्ध हुन पुगिन् । पुरुष सान्सौं ५६ केजी अन्तर्गत भारताका रवि पान्चालसँग २–० ले पराजित हुँदै राजेश चौधरीले रजतमा चित्त बुझाएका छन् ।

यो पदकसंगै नेपालले अहिले सम्म १२ औं सागमा १ स्वर्ण, ११ रजत र १५ कांस्य २७ पदक प्राप्त गरेको छ ।