जिल्ला जनस्वास्थ्य कार्यालय बाँकेले नेपालगन्ज नगरको टोलटोलमा चिकित्सक टोली परिचालन गरेको जनाएको छ । नेपालगन्जमा फैलिएको झाडापखालाको प्रकोपबाट थप एकको मृत्यु भएपछि जनस्वास्थ्य कार्यालयले गम्भीर भई चिकित्सक टोली परिचालन गरेको छ ।
झाडापखालाका कारण नेपालगन्ज-५ स्थित अनिस हल्वाईका तीन वषर्ीय छोरी तानिया हल्वाईको उपचारको क्रममा मृत्यु भएको जिल्ला जनस्वास्थ्य कार्यालयका महामारी रोगका फोकल पर्सन रामबहादुर चन्दले बताउनुभएको छ । नेपालगन्ज मेडिकल कलेज, भेरी अञ्चल अस्पताल र नेपालगन्ज युनाइटेड अस्पतालमा गरी २७५ भन्दा बढीको उपचार भइरहेको छ ।
बिरामीको सङ्ख्या बढेर अस्पतालमा शैया अपुग हुन थालेपछि कतिपय अस्पतालमा छुट्टै कोठामा राखेर पनि बिरामीको उपचार भइरहेको छ । फोहोर खाना र दूषित पानीले झाडाबान्ता फैलिएको हुनसक्ने चिकित्सकले बताएका छन् ।
|
