अनमोलमाथि धुपौरे निर्माण टोलीबाट ठगीको उजुरी

29 February, 2020 17:22 | कला/मनोरन्जन , कलिउड | comments | 57450 Views

नेपाली चलचित्रका सबभन्दा विकाउ नायकका रुपमा चिनिएका अनमोल केसीमाथि प्रहरीमा ठगीको उजुरी परेको छ । महानगरीय प्रहरी परिसर काठमाडौंमा चलचित्र धुपौरेमा अभिनय गर्ने सहमति गरेर बैना रकम समेत लिएको तर चलचित्रमा अभिनय नगरेको भन्दै उजुरी परेको हो ।

उजुरी गर्नेमा फिलिम्स नेपाल, जयन श्रेष्ठ इन्टरटेटमेन्ट प्रालिका तर्फबाट निर्माता जयन श्रेष्ठ र रुपेश खड्कीले केसीविरुद्ध जाहेरी दिएको महानगरीय प्रहरी परिसर काठमाडौंका डीएसपी होविन्द्र बोगटीले पुष्टि गर्नुभएको छ । केसीले धूपौरेमा खेल्न सहमति गरी ५ लाख एडभान्स समेत लिए पनि उनले नखेलेर ठगी गरेको भन्दै प्रहरीमा उजुरी परेको हो ।

  

गत असोज ३ गते ४० लाख पारिश्रमिक दिने गरी केसीसँग श्रेष्ठ र खड्गीले सम्झौता गरेका थिए । यस्तै सम्झौताअनुसार ५ लाख अग्रिम भुक्तानी गरे पनि सम्झौताअनुसार केसीले फिल्म नखेलेर ठगी गर्नुका साथै चलचित्र खेल्नका लागि ३ महिनासम्म जिम तथा एक्टिङ क्लासका लागि भन्दै अनमोलले आफूहरुको थप २ लाख ५० हजारसमेत सकेको उजुरीमा उल्लेख छ ।

यस्तै केसीले कलाकार तथा टेक्नेसियनलाई समेत अग्रिम रकम ३० लाख दिन लगाइ उनी भने सम्पर्कमा नआएर आफूहरुलाई आर्थिक रुपमा क्षति पुर्याएको उजुरीमा उल्लेख छ । उजुरीमा केसीले हानी नोक्सानी पुर्याइ क्षति बिगो तथा कानुन बमोजिम क्षतिपूर्ति समेत दिलाइदिन माग गरिएको छ ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More