अनलाइन ठगीमा विदेशी नाइके नेपाली एजेण्ट- ठगिएको १४ करोडभन्दा बढी रकम विभिन्न बैंकमा

11 December, 2019 18:40 | जन सरोकार | comments | 7800 Views
रमेश खड्का, विशेश्वरप्रसाद तिवारी र संदिप कलवार र नाइजेरियन नागरिक पीटर हरमन एसेन्गा

 

विदेशीको योजनामा सर्वसाधारणलाई भाइबर, ह्वाट्सएप, इमो, फेसबुक जस्ता सञ्जालबाट चिट्ठा परेको, पार्सल आएको भनी प्रलोभनमा पारी करोडौं रकम ठगीकार्यमा तीन नेपाली, १० जना भारतीय र बेलायती तथा नाइजेरियन नागरिक एकएकजना रहेको पाइएको छ ।

बुधबार महानगरीय अपराध महाशाखाले पत्रकार सम्मेलन गरी पक्राउ परेका तीनजना नेपाली र विदेशी नागरिकहरुको विवरण सार्वजनिक गरेको हो ।

adsads
पक्राउपर्ने नेपालीहरुमा दोलखा फुलपा गाविस वडा नं ०२ का ५२ वर्षीय रमेश खड्का, नवलपरासी, रामग्राम नपा १७ बस्ने ३७ वर्षीय विशेश्वरप्रसाद तिवारी र सोही स्थान बस्ने १९ वर्षीय संदिप कलवार रहेका छन् ।

पक्राउ पर्नेमा नाइजेरियन नागरिक पीटर हरमन एसेन्गा र बेलायती नागरिक स्मीथ मोरिस तथा १० जना भारतीय रहेका छन् ।

उनीहरुले नेपालका विभिन्न बैंक तथा वित्तिय संस्थाहरू मार्फत कारोवार गर्नुको साथै उक्त रकमको १५ देखि २० प्रतिशत नेपाली नागरिकलाई दिई बाँकी सम्पूर्ण रकम विभिन्न माध्यमबाट भारत पठाउने गरेको पत्ता लागेको छ । उनीहरुबाट कृषि बिकास बैंक र पानश रेमिट ह्याक गरिएको थियो भने ठगी गरेको रकम विभिन्न १७ वटा बैंकमा जम्मा गरेको पनि खुल्न आएको छ ।

प्रारम्भिक अनुसन्धानबाट नाईजेरियन तथा भारतीय नागरिकहरू भारतको दिल्ली, मुम्बई, पाकिस्तान, चिन, तान्जानिया, इथियोपिया तथा बेलायत मा बसी समय समयमा नेपाल आई नेपालका मानिसहरूसंग सम्पर्क गरी भाइबर, ह्वाट्सएप, इमो, फेसबुक जस्ता सोसल मिडियाको प्रयोग गरी अनलाइनको माध्यमबाट चिट्ठा परेको तथा पार्सल आएको छ भनि करोडौं रकम ठगी गर्नुका साथै बैंक र वित्तिय संस्थाहरू समेत ह्याक गर्ने तथा ह्याक र ठगी गरेको रकम विभिन्न माध्यमबाट भारत पठाउने गरेको खुलन आएको छ ।

त्यसै गरी ह्याक र ठगी गरेको रकम नेपालका एजेण्टहरू प्रयोग गरी १५ देखि २० प्रतिशत कमिशन वापत रकम दिई बाँकी रकम विभीन्न माध्यमबाट भारत पठाउने गरेको र नेपाली एजेण्टहरूलाई उक्त कार्य गर्नको लागि विभिन्न बैंकमा खाता खोल्न लगाएको र एउटै एजेण्टबाट ६ वटा भन्दा बढी बैंक खाताबाट कारोवार भएको देखिएको छ ।

नपालमा उक्त काम गर्नको लागि ४० भन्दा बढी नेपाली एजेण्टहरू परिचालन रहेको र हालसम्म १४ करोड ६७ लाख ९१ हजार शंकास्पद रूपमा कारोबार गरेको भेटिएको छ भने हालसम्म ३४ जना नेपालीहरू यो कार्यमा संलग्न रहेको पाइएको छ ।

त्यसै गरी १५ जना पीडितहरू सम्पर्कमा रहेका र एजेण्टहरूले ठगी गरेको रकम कारोवार गर्न प्रयोग गरेका बैंकहरू समेत ह्याक भएको हुनसक्ने सम्भावना रहेकोले सो सम्बन्धमा अनुसन्धान जारी रहेको महाशाखाले जनाएको छ ।

अभियुक्तहरुलाई महाशाखाको विशेष अनुसन्धान टोलीले उपत्यका तथा उपत्यका वाहिरका विभिन्न स्थानहरूबाट पक्राउ गरी आवश्यक अनुसन्धानको लागि परिसर काठमाण्डौ पठाएको । साथै अन्य बैंक तथा वित्तिय संस्थाहरू समेत ह्याक भएको हुन सक्ने सम्भावना रहेकोले थप अनुसन्धान जारिरहेको ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More