अफगानिस्तानमा शान्तिको सन्देश तालिबानले गयो हिंसात्मक कारबाही रोक्ने सहमति

12 February, 2020 21:03 | विश्व समाचार | comments | 32250 Views

अफगानिस्तानमा हिंसातमक गतिविधि गरिरहेको तालिवानले सो गतिविधि रोक्ने सहमति गरेको बताइएको छ । तालिवानसंग वार्ता गरिरहेको संयुक्तराज्य अमेरिकाका विदेशमन्त्री माइक पोम्पेओ र अफगानिस्ताका राष्ट्रपति मोहम्मद असरफ घानीबीच अमेरिका र तालिबान समूहबीच जारी वार्ताको विषयमा भएको टेलिफोन वार्तामा सो जानकारी दिइएको हो ।

मङ्गलबार साँझ भएको यस वार्तामा पोम्पेओले घानीलाई अफगानिस्तानका विद्रोही समूह तालिबानसँग जारी रहेको यस शान्ति वार्तामा उल्लेखनीय प्रगति भएको जानकारी दिनु भएको छ ।

  

हिंसामा उल्लेखनीय र स्थायी कमी ल्याउने सम्बन्धमा तालिबानीले प्रस्ताव गरेको विदेशमन्त्री पोम्पेओले जानकारी गराउनु भएको घानीले आफ्नो ट्विटरमा लेख्नु भएको छ ।

‘यो स्वागतयोग्य हो र मलाई खुसी लागेको छ । हाम्रो प्रमुख उद्देश्य मूर्खतापूर्ण रक्तपात अन्त्य गर्नु हो’ घानीले भन्नु भएको छ । अमेरिकी र तालिबानी प्रतिनिधिहरुको सहभागितामा यस महिनाको सुरुदेखि वार्ताको लागि दुईवटा बैठक आयोजना भएको छ ।

आइतबार अफगानिस्तानका लागि अमेरिकाका विशेष शान्तिदूत जाल्मे खलिलजादले तालिबानका सहसंस्थापक मुल्लाह बारादार र अन्य कैयौं तालिबानी नेताहरूसँग भेट्नु भएको थियो ।

अमेरिका र तालिबानको वार्ताको विषयमा नेटो, पाकिस्तान र अफगानी नेताहरुसँग वार्ता गर्नको लागि खलिलजाद बेल्जियमको ब्रसेल्स, पाकिस्तानको इस्लामाबाद र अफगानिस्तानको काबुलको यात्रापछि दोहा फर्किनु भएको समाचारमा जनाइएको छ ।

समग्र शान्ति प्रक्रियालाई सकारात्मक रुपमा समर्थन गर्न अफगानिस्तानले आगामी चरणका वार्ताहरुको व्यवस्थापन गर्ने पनि घानीले बताउनु भएको छ ।

यसैबीच, एएफपीका अनुसार अमेरिकी अखबार दी न्यूयोर्क टाइम्सले अमेरिकी राष्ट्रपति डोनाल्ड ट्रम्प तालिबानलाई एक साताको समय दिन मन्जुर हुनुभएको समाचार छापेको छ । एक साता अफगानिस्तानमा हिंसात्मक घटना रोकिए थप विचार विमर्श गर्न आफूहरु तयार रहेको राष्ट्रपति ट्रम्पले वार्तामा सहभागी दुबै पक्षलाई जानकारी दिनुभएको छ ।

अमेरिकी प्रस्तावको तालिबान समूहले स्वीकार गरेको पाकिस्तानमा रहेका तालिबान समूहका नेताहरुले बताएका छन् ।

गत फेब्रुअरी ४ मा राष्ट्रपतिको “स्टेट अफ दी युनियन” सम्बोधनमा पनि ट्रम्पले अफगानिस्तानमा तैनाथ अमेरिकी सेनालाई स्वदेश फर्काउने प्रतिबद्धता व्यक्त गर्नु भएको थियो । अफगानिस्तानमा हाल १४ हजारभन्दा बढी अमेरिकी सेना तैनाथ छन् ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More