आठौँ राष्ट्रिय खेलकुदमा पदक विजेता खेलाडी तथा अफिसियलहरूलाई पुरस्कार

21 May, 2019 22:17 | खेल | comments | 11850 Views

नेपालगञ्जमा गत महिना सम्पन्न आठौं राष्टिूय खेलकूद प्रतियोगितामा पदक जित्ने नेपाल पुलिस क्लबका खेलाडी तथा अफिसियलहरुलाई पुरस्कार वितरण गरिएको छ ।

प्रहरी महानिरीक्षक सर्वेन्द्र खनालले पदक विजेता नेपाल प्रहरीका खेलाडी तथा अफिसियलहरूलाई नगद पुरस्कार एवं उत्कृष्ट कार्य गर्ने प्रहरी कर्मचारीलाई पुरस्कार वितरण गर्नुभएको छ ।

adsads

नेपाल पुलिस क्लब भृकुटीमण्डपमा मंगलबार आयोजित समारोहमा नेपाल प्रहरी खेलकुद समितिका अध्यक्षसमेत रहनुभएका प्रहरी महानिरीक्षक खनालले प्रतियोगिताका विभिन्न विधामा स्वर्ण, रजत र कास्य पदक विजेता खेलाडीहरूलाई नगद पुरस्कार, विज्ञान र प्रविधिमा बिशेष योगदान पुर्‍याउने प्रहरी हवल्दार पूर्ण बहादुर आलेलाई प्रशंसापत्र वितरण गर्नुभयो ।

राष्ट्रिय खेलकुदको सन्दर्भमा नेपाल प्रहरीका कर्मठ अग्रज एवं वर्तमान खेलाडीहरूको ठूलो योगदान रहेको बताउँदै प्रहरी महानिरीक्षक खनालले राष्ट्रिय र अन्तर्राष्ट्रियस्तरका प्रतियोगितामा प्रहरी संगठनको प्रतिनिधित्व गर्दै विभिन्न पदक जितेर राष्ट्रिय सम्मान बढाउन संगठनमा आवद्ध खेलाडीहरूको योगदान अतुलनीय रहेको बताउनुभयो । खेलकुदको क्षेत्रमा विकासमा चाहिने पूर्वाधार एवम् साधन श्रोतयुक्त बनाई खेल जगतमा भविष्य सुनिश्चित गरी खेलाडीहरूको व्यावसायिक जीवन र सामाजिक प्रतिष्ठा बढाउन नेपाल प्रहरी सदैव कटिवद्ध रहेको बताउनुभयो ।

हरेक खेलाडीले आफ्नो खेल स्तर बढाउनुका साथै व्यक्तिगत एवम् सामाजिक प्रतिष्ठा बढाउनका लागि समयको खोजी गर्ने बताउँदै प्रहरी महानिरीक्षक खनालले नेपाल प्रहरी संगठन निस्वार्थ सेवाभावले काम गर्ने संगठन रहेको तथा प्रहरी संगठनले खेलाडीलाई दिने सेवा, सुविधा सम्बन्धमा नियमावलीमा आवश्यक सुधार गर्न कदमहरू चालिसकेको बताउनुभयो । विगतमा केही राम्रा खेलाडी पलायन समेत भएकोमा अबका दिनमा त्यो अवस्था आउन नदिने समेत उहाँले उल्लेख गर्नुभयो ।

सम्पूर्ण खेलाडीहरू राष्ट्रका गहना भएको चर्चा गर्दै प्रहरी महानिरीक्षक खनालले सामाजिक प्रतिष्ठा एवम् राष्ट्रिय पहिचान कायम गर्न खेलाडीहरूले ठूलो भूमिका निर्वाह गर्ने विश्वास व्यक्त गर्नुभयो । आउँदा दिनमा हुने प्रतियोगितामा पनि उच्च प्रदर्शन गर्दै सफलता हासिल गर्न उपस्थित खेलाडीहरूलाई उहाँले निर्देशन दिनुभयो ।

जहाँ राज्यका नागरिक स्वास्थ्य हुन्छन् त्यहाँ आपराधिक घटना कमी हुने बताउँदै प्रहरी महानिरीक्षक खनालले देशका युवा वर्गलाई खेल जगतमा आवद्ध गराउन सकेमा मानसिक एवम् शरिरीक रुपमा सबल हुनुका साथै ती युवा वर्ग आपराधिक क्रियाकलापमा संलग्न नहुने बताउनुभयो । जस अनुरुप नेपाल प्रहरीले अंगिकार गरेको समुदाय-प्रहरी साझेदारी अवधारणा अन्तर्गत राष्ट्रिय खेलकुद परिषदसँग समन्वय गर्दै सवै प्रदेश र विशेष गरी पहिलो चरणमा राजमार्गस्थित क्षेत्रमा खेलको विकास गर्ने सोचका साथ नेपाल प्रहरी आगाडी बढेको उहाँले बताउनुभयो ।

समारोहमा नेपाल प्रहरी खेलकुद समितिका सदस्य सचिव एवं राष्ट्रिय प्रहरी प्रशिक्षण प्रतिष्ठान महाराजगंजका कार्यकारी निर्देशक प्रहरी अतिरिक्त महानिरीक्षक पुष्कर कार्कीले स्वागत मन्तव्य व्यक्त गर्दै २०७५ चैत्र २७ गतेदेखि २०७६ वैशाख ११ गतेसम्म ५ नम्बर प्रदेशका विभिन्न जिल्ला तथा ललितपुरमा संचालित उक्त प्रतियोगितामा नेपाल प्रहरीकोतर्फका खेलाडीहरूले ५९ स्वर्ण, ५० रजत र ४५ कास्य गरी जम्मा १ सय ५४ पदक प्राप्त गरी द्वितीय स्थान हासिल गर्न सफल भएको जानकारी गराउनुभयो ।

साथै नेपाल प्रहरी खेलकुद जगतमा अग्रणी निकाय रहेको चर्चा गर्दै राष्ट्रिय र अन्तराष्ट्रिय खेल प्रतियोगितामा सहभागिता जनाई राष्ट्रको खेल विकास र संगठनको मान प्रतिष्ठालाई अन्तर्राष्ट्रिय जगतमा पुर्‍याउन प्रहरीले योगदान दिएको उहाँले उल्लेख गर्नुभयो ।

विजेता खेलाडीहरूलाई सम्मान स्वरुप नेपाल प्रहरी खेलकुद समितिबाट स्वर्ण पदक विजेतालाई ५ हजार रुपैयाँ, रजत पदक विजेतालाई ३ हजार रुपैयाँ र कास्य पदक विजेतालाई २ हजार रुपैयाँ प्रदान गरिएको छ भने विभिन्न खेलहरूमा राष्ट्रिय किर्तिमान राख्न सफल १५ जना खेलाडीहरूलाई जनही थप नगद ३ हजार रुपैयाँ प्रदान गरिएको छ । आठौँ राष्ट्रिय खेलकुद प्रतियोगितामा । प्रतियोगितामा २ हजार ६ सय ८८ पदको लागि नेपाल प्रहरीकोतर्फबाट २४ खेलमा २ सय १७ पुरुष, १ सय ५२ महिला र ८७ जना अफिसियल गरी कूल ४ सय ५६ जनाले सहभागी रहेका थिए ।

सो अवसरमा नेपाल प्रहरीले विगतदेखि वर्तमानसम्म संचालन गरेका विभिन्न खेलकुद गतिविधि झल्कने भिडियो डिस्प्ले समेत गरिएको थियो ।

कार्यक्रममा राष्ट्रिय खेलकुद परिषदका पदाधिकारीहरू, प्रहरी अतिरिक्त महानिरीक्षकहरू, प्रहरी नायव महानिरीक्षकहरू, प्रहरी वरिष्ठ अधिकृतहरू, संचारकर्मी, नेपाल प्रहरीमा आवद्ध खेलाडीहरू लगायत अन्य प्रहरी अधिकृतहरूको समेत उपस्थिति रहेको थियो ।

आठौं राष्ट्रिय खेलकुद : खेलाडीलाई चाउचाउ र खुर्सानीको भर

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More
error: Content is protected !!