आफ्नो घर जान भारतको बाटो प्रयोग गर्ने बाध्यता अन्त्य- ब्यासमा बाटो बनाउन पुग्यो सेना

22 May, 2020 17:01 | जन सरोकार | comments | 16650 Views

आफ्नो घर जान भारतको बाटो प्रयोग गर्दैआएका दार्चुलाको व्यास गाउँपालिका २ को घाँटीबगर इलाकामा तत्काल बाटो बन्ने भएको छ । महाकाली करिडोर अन्तर्गतको दार्चुला टिंकर सडक योजनाको पहिलो चरणमा व्यास गाउँपालिकामा सडक बनाउन सेना पुगेको छ ।

नेपाल सरकारको गत वैशाख १४ गतेको मन्त्रिपरिषदको निर्णयबमोजिम महाकाली करिडोर अन्तर्गतको दार्चुला टिंकर सडक योजनाअन्तर्गत उत्तरतर्फको ८७ किलोमिटर सडक खण्ड सेनाले बनाउने जिम्मा पाएको छ । अहिले तत्कालै भने सेनाले दार्चुलाको व्यास गाउँपालिका २ को घाँटीबगर इलाकामा ४५० मिटर बाटो निर्माण गर्नेछ ।

दुई मिटर चौडाइको उक्त बाटो निर्माण भएपछि त्यहाँका स्थानीयहरू आफ्नो घर जान भारत हुँदै जानुपर्ने बाध्यताबाट मुक्त हुने सेनाले जनाएको छ । तत्कालै ४५० मिटर बाटो निर्माणको लागि बिहीबार मात्रै नेपाली सेनाको टोली दार्चुलाको थी भन्ने स्थानमा सेक्सन प्लस फौज पुगेको हो ।

  

शुक्रबारबाट निर्माण सामाग्रीसहितको सेनाको टोली काममा लाग्नेछ । उक्त बाटो निर्माण भएपछि छाङरु र टिंकरका १८२ घरका १२ सय परिवार सदरमुकाम आउजाउ गर्न भारतीय भूमि हुँदै आउजाउ गर्न पर्नेछैन ।

सडक निर्माण आरम्भ अघि सेनाले विज्ञप्ती जारी गरी चीन र भारतको सीमा नाकासमेत पर्ने दार्चुला जिल्लाको व्यास गाउँपालिका १ मा पर्ने छाङरु र टिंकर गाउँका करिब १८२ घर परिवारका १२ सय जना स्थानीयलाई जिल्ला सदरमुकाम खलंगा आवतजावत गर्नको लागि व्यास २ को मौरी भीरमा ठूलो चट्टान र घाँटीबगरमा पहिरो गएकोले आवतजावत गर्न स्थानीय बासिन्दाले हालसम्म भारततर्फ रहेको बाटो प्रयोग गर्दै आइरहेकामा अबिलम्ब उक्त बाटो मर्मत गर्ने उल्लेख गरेको छ ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More