उदयपुरको जंगलमा मानव कंकाल फेला

18 January, 2020 16:32 | जन सरोकार | comments | 20850 Views

उदयपुरको त्रियुगा नगरपालिका १६ मा पर्ने सुकौरा गाउँ नजिकैको जंगलमा मानव कंकाल फेला परेको छ । पुरुष वा महिला भन्ने कुरा प्रष्ट हुन नसकेको उक्त कंकाल दुईतीन महिना अघिको हुनसक्ने र त्यहाँ रहेका कपडाको आकलनले भने पुरुषकै हुनसक्ने अनुमान स्थानीयको छ ।

ads ads

जिल्लाको धरापे गाउँबाट करिब दुईकिलोमिटर टाढाको जंगलमा विहेका लागि पात टिप्न गएका गाउँलेहरुले जंगलमा कंकाल देखेपछि प्रहरीलाई खबर गरेका थिए । कंकाल फेला परेको खबरपछि मुचुल्का उठाउन प्रहरी खटिएको छ । शुक्रबार अबेर भएकाले शनिबार जिल्ला प्रहरी कार्यालयबाट टोली खटिगएको जिल्ला प्रहरी प्रमुख एसपी वीरबहादुर बुढामगरले बताउनुभयोे ।

प्रहरी चौकी सुकौराले शुक्रबार नै कंकाल रहेको स्थान हेरेर सुरक्षा निगरानीमा राखेको छ । जंगलबीचमा छागो खस्ने अप्ठेरो ठाउँमुनि कंकाल रहेको स्थानीयले बताएका छन् ।

कंकाल फेला परेको खबर लगत्तै घटनास्थल पुगेको सुकौरा प्रहरी चौकीले गाउँघरमा कोही हराएको छ कि भनेर सोधीखोजी गरिरहेको छ । तर हालसम्म कोही हराएको जानकारी नआएको जनाएको छ । टाढाकै मानिसको कंकाल हुनसक्ने अनुमान स्थानीयको छ ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More