उपसभामुखमा कांग्रेसको दावी- नेकपाले समर्थन नगरे सापकोटा बिरुद्ध उम्मेदवारी

20 January, 2020 15:37 | राजनीति | comments | 24150 Views

सत्तारुढ नेपाल कम्युनिष्ट पार्टी (नेकपा)ले सभामुखमा अग्नि सापकोटालाई प्रस्ताव गरेपछि प्रमुख विपक्षी नेपाली कांग्रेसले उपसभामुख आफ्नो दललाई दिन सत्तारुढ नेपाल कम्युनिस्ट पार्टी (नेकपा)लाई आग्रह गरेको छ । यदि नेकपा, कांग्रेसलाई उपसभामुख छाड्न तयार नभए सभामुखमै सापकोटाविरुद्ध उम्मेदवारी दिने कांग्रेसको तयारी छ ।

सभामुख र उपसभामुख फरक फरक दल र लिंगको हुनुपर्ने संवैधानिक व्यवस्था रहेको छ । सभामुखको निर्वाचन प्रक्रिया सुरु भएसँगै उपसभामुख शिवमाया तुम्बाहाङ्फेले राजीनामा दिएपछि नेकपाले उपसभामुख दाबी गर्न पाउने छैन । यसमा प्रमुख विपक्षीको प्रस्ताव छ, नेकपाले सभामुख लिएर उपसभामुख कांग्रेसलाई छाडोस् ।

कांग्रेस प्रमुख सचेतक बालकृष्ण खाँडले संसदमा प्रष्ट बहुमत भएकाले सभामुख नेकपाले नै लिओस् र उपसभामुखमा प्रमुख प्रतिपक्षलाई समर्थन गरोस् । यसो भयो भने सदन सञ्चालन गर्न पनि सहज हुने बताउनुभएको छ ।

  

यसैबीच उपसभामुख डा। शिवमाया तुम्बाहाङ्फेले प्रतिनिधिसभाको बैठक बस्नुअघि सभामुखलाई सम्बोधन गरेर संसद् सचिवालयमा राजीनामा दिने हुनुभएको छ । अपराह्न १ बजे प्रतिनिधिसभा बैठक बस्नुअघि उपसभामुखले राजीनामा दिने निकट स्रोतले जनाएको छ । त्यसपछि बैठकको अध्यक्षता जेष्ठ सदस्यका हैसियतमा राजपा अध्यक्ष मण्डलका नेता महन्थ ठाकुरले गर्नुहुनेछ ।

संसद् बैठकपछि उपसभामुख तुम्बाहाङ्फेले संसद् भवनमै पत्रकार सम्मेलन गरेर आफ्ना धारणा राख्ने संसद् सचिवालयका सन्चारविज्ञ शेखर अधिकारीले जानकारी दिए । सभामुख निर्वाचन प्रक्रिया आजकै बैठकबाट अघि बढ्नेछ ।

समाचार स्रोतका अनुसार तुम्बाहाङ्फेलाई मन्त्री बनाउने तयारी छ । अहिले शहरी विकास र कानून मन्त्रालयमा कामचलाउ मन्त्रीले सम्हालिरहेका छन् भने केही अरू मन्त्री पनि हेरफेर हुने सम्भावना छ ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More