एनआरएनए एनसीसी जापानको महिला फोरम गठन

14 January, 2020 11:46 | जापान | comments | 36600 Views

गैरआवासीय नेपाली संघ (एनआरएनए) जापानको महिला फोरम गठन भएको छ । गत साता टोकियोमा भएको महिलाहरुको भेलाले एनआरएनए एनसीसी जापानकी महिला संयोजक संगिता अधिकारीको संयोजकत्वमा महिला फोरम गठन गरेको हो ।

adsads

भेलालाई सम्बोधन गर्दै एनआरएनए जापानकी महिला संयोजक संगिता अधिकारीले आफ्नो कार्यकालमा जापानमा रहेका महिलाका समस्यालाई समाधान गर्न पहल गर्ने बताउनुभयो । उहाँले जापानमा रहेका डिपेण्डेन्ट महिलालाई सशक्तिकरणका लागि मार्च ८ मा नारी दिवसको अवसर पारी प्रशिक्षण कार्यक्रम राख्ने बताउनुभयो ।

त्यस्तै जापानमा बच्चा जन्माउने महिलालाई जापानको नीति नियम र सेवा, सुविधाको विषयमा मात्तृशिशु र परिवार नियोजन सम्बन्धी कार्यक्रम गर्ने उल्लेख गर्नुभयो । संयोजक अधिकारीले नेपाल सरकारको भ्रमण वर्ष २०२० सफल पार्नु जापानमा रहने नेपालीको पनि दायित्व भएकोले जापानको व्यस्त सडक तथा स्टेशनमा नेपालको पहिचान झल्कने पोशाक सहित भिजिट नेपाल २०२० को लोगो सहितको पर्चा वितरण गरेर जापानीज नागरिकलाई नेपाल भ्रमणका लागि उत्साहि गर्ने लगायतका कार्यहरु गर्ने जानकारी दिनुभयो । त्यसका लागि सबैलाई सहयोग गर्न पनि आह्वान गर्नुभयो ।

प्रमुख अतिथीको आशनबाट बोल्दै एनआरएनए जापानका अध्यक्ष देवीलाल भण्डारीले जापानमा घरेलु हिंसा बढेकाले त्यसको समाधानका लागि सचेतनामुलक कार्यक्रम गर्नुपर्ने बताउनुभयो । कार्यक्रममा एनआरएनए आईसिसी सदस्य इन्दिरा सुजुकी एनआरएनए जापानका महासचिव जनक बिक्रम शाही र कोषादक्ष्य कालिका थापा लगायतले बोल्नुभएको थियो ।

मेलामा उपस्थित महिलाहरुले जापानका महिलाको समस्या पहिचान गरी देश, समय र माग अनुसारका कार्यक्रम र योजना ल्याउन सुझाव दिएका थिए ।
कार्यक्रम एनआरएनए जापानकी महिला संयोजक संगिता अधिकारीको अध्यक्षता महिला उपादक्ष्य सविता श्रेष्ठको स्वागत र पत्रकार लक्ष्मी पौडेलको संचालनमा समापन भएको थियो ।

फोरमको सचिवमा कमला कपरी र कोषाध्यक्षमा विष्णु वानिय (प्रज्ञा) रहनुभएको छ भने आवश्यकता अनुसार सदस्यमा थप्दै जाने निर्णय भेलाले गरेको छ ।

भेलाले फोरमको एनआरएनए आईसिसी सदस्य इन्दिरा सुजुकी, एनसिसी वरिष्ठ उपादक्ष्य अनिता गरुङ, महिला उपादक्ष्य सविता श्रेष्ठ, कोषाध्यक्ष कालिका थापा, महिला सदस्य अन्जु भण्डारी, सरिता ढकाल, चन्द्रा अधिकारी केशी, सर्मिला श्रेष्ठ र उमा ओस्तीलाई सल्लाकारमा राख्ने निर्णय गरेको छ ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More