कर्णाली प्रदेश मुख्यमन्त्री शाहीबिरुद्ध नेकपा सांसदद्वारा अविश्वास प्रस्ताव पेश

11 October, 2020 18:12 | कर्णाली प्रदेश , प्रदेश | comments | 30150 Views

गुटबन्दीको राजनीति कति घातक हुन्छ भन्ने पछिल्लो दृष्टान्त कर्णाली प्रदेशमा देखिएको छ । कर्णाली प्रदेशमा सत्तारुढ नेकपाका १८ जना सांसदहरुले संसदीय दलका नेता समेत रहेका मुख्यमन्त्री महेन्द्रबहादुर शाही विरुद्ध अविश्वासको प्रस्ताव पेश गरेका छन् ।

सांसदहरुले आइतवार प्रदेशसभामा शाहीलाई स‌ंसदीय दलको नेताबाट हटाउन माग गर्दै १८ जनाको हस्ताक्षर संसदीय दलका प्रमुख सचेतक गुलाबजङ्ग शाहलाई बुझाएका हुन् ।

  

उनीहरुले मुख्यमन्त्री शाहीबाट सरकार र पार्टीको प्रभावकारिता जनस्तरमा कमजोर भएको आरोप लगाउँदै नेकपा प्रदेशसभा संसदीय दलको विधान २०७५ को नियम २४ १ बमोजिम संसदीय दलका नेता मुख्यमन्त्री शाहीविरुद्ध विश्वास नभएकोले अविश्वासको प्रस्ताव पेश गरेको जनाएका छन् ।

प्रदेश सरकारका बिरुद्ध सुरुदेखि नै विपक्षी सांसदको जस्तो व्यवहार गर्दैआएका पूर्व एमाले नेता यामलाल कँडेलको नेतृत्वमा नेकपाका १८ जनाको हस्ताक्षरसहित अविश्वासको प्रस्ताव दर्ता गरेका हुन् । कर्णाली प्रदेशसभामा ३३ जना संसद रहेका छन् ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More