कांग्रेसले १३औं साग खेलका स्वर्णपदक विजेतालाई सम्मान गर्ने

22 July, 2020 12:42 | खेल | comments | 15900 Views

नेपाली काङ्ग्रेस केन्द्रीय खेलकूद विभागले गत १३ औं साग खेलका स्वर्णपदक विजेतालाई नगदसहित सम्मान गर्ने भएको छ । मंगलबार भएको पत्रकार सम्मेलनमा खेलकूद क्षेत्रको बृहत्तर विकासलाई ध्यानमा राखी उक्त निर्णय गरेको जानकारी दिइयो ।

विभागका प्रमुख मोहनबहादुर बस्नेतले टोकियो ओलम्पिक ‘२०२१’ मा नेपालका तर्फबाट सहभागी हुने खेलाडी र प्रशिक्षकको कोरोना बीमा गरिने पनि बताउनुभयो । उहाँले भन्नुभयो, “२०२१ मा हुने ओलम्पिक खेलको तयारीका लागि राष्ट्रिय तथा अन्तरराष्ट्रिय प्रतियोगिताहरूमा नेपाली खेलाडीको सहभागिताका लागि कोरोनाको सुरक्षा र सावधानी अपनाउँदै प्रशिक्षण सञ्चालन गर्न सरकारसँग माग गछौं ।”

  

यसैगरी काङ्ग्रेस सभापतिको नाममा हरेक वर्ष राष्ट्रियस्तरीय सभापति कप फुटबल प्रतियोगिता सञ्चालन गर्ने निर्णय पनि गरेको बस्नेतको भनाइ छ ।

विभिन्न विधाका प्रशिक्षकहरूको व्यवस्था गरी वडा तहसम्म खेलकूद गतिविधि सञ्चालन गर्ने, प्रजातन्त्रवादी नेताहरूको सम्मानमा राष्ट्रिय, प्रादेशिक र स्थानीयस्तरीयमा विभिन्न विधाका हरेक वर्ष खेलकुद प्रतियोगिता गरिने सो अवसरमा जानकारी दिइयो ।

राष्ट्रिय खेलकूद परिषद्मा कार्यरत १३ देखि २४ वर्ष सेवा अवधि पार भएका कर्मचारीको पदोन्नति नगरी वृत्तिविकासमा आँच पुर्याएकाले निजहरूको बढुवा प्रक्रिया अगाडि बढाउन समेत सो अवसरमा माग गरिएको छ । “नेपाल ओलम्पिक कमिटी र भारतीय टिभी च्यानलहरूबीच भएको १३औं सागका गतिविधि प्रसारणसम्बन्धी सम्झौता रकमको हिसाबकिताब सार्वजनिक गर्न माग गछौं”, उहाँले थप्नुभयो ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More