काठमाडौंमा एकैदिन थपिए ८१ जना संक्रमित : देशभर ३ सय ६० जना

6 August, 2020 20:31 | जल/वातावरण/स्वास्थ्य | comments | 20550 Views

बुधबार काठमाडौं उपत्यकामा ८६ जना कोरोना संक्रमित फेला परेका छन् । संक्रमितमध्ये काठमाडौंमा मात्र ८१ जना रहेका छन् भने ललितपुरमा ४ र भक्तपुरमा १ जना रहेका छन् ।

त्यसै गरी देशभर गरिएको परीक्षणमा ३ सय ६० जना नयाँ सङ्क्रमित थपिएका छन् । यससँगै नेपालमा कुल सङ्क्रमितको सङ्ख्या २१ हजार ७५० पुगेको स्वास्थ्य तथा जनसङ्ख्या मन्त्रालयको दैनिक प्रेस ब्रिफिङको क्रममा मन्त्रालयका प्रवक्ता प्राडा जागेश्वर गौतमले जानकारी दिनुभयो ।

  

मन्त्रालयका अनुसार पछिल्लो चौबीस घण्टामा छ हजार ६२२ जनाको स्वाब परीक्षण गरिएको छ । हाल नौ हजार ४७० जना क्वारेन्टिनमा छन् । सक्रिय सङ्क्रमित सङ्ख्या छ हजार २९६ रहेका छन् ।

मन्त्रालयका प्रवक्ता डा गौतमका अनुसार पछिल्लो चौबीस घण्टामा २ सय ३३ जना सङ्क्रमित निको भएर घर फर्केका छन् । योसँगै हालसम्म १५ हजार ३८९ जना सङ्क्रमित कोरोनामुक्त भइसकेका छन् ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More