कान्ति बाल अस्पतालमा उपचाररत शिशुमा कोरोना संक्रमण

4 July, 2020 15:59 | जल/वातावरण/स्वास्थ्य | comments | 30450 Views

काठमाडौंमा समुदायमा कोरोना संक्रमण फैलिएको आशंका बढिहेका बेला शनिबार विहान एक १३ महिने शिशुमा कोरोना संक्रमण भएको पुष्टि भएको छ ।

गत आइतबार कान्ति बाल अस्पतालमा भर्ना गरिएकी १३ महिने शिशुमा कोरोना भाइरसको संक्रमण देखिएको हो । कोरोना पुष्टिपछि उनलाई बलम्बुस्थित युनिफाइड अस्पतालमा पठाइएको छ ।

  

कान्ति अस्पतालका निर्देशक डा। कृष्णप्रसाद पौडेलले कान्ति अस्पतालमा पहिलो पटक संक्रमण देखिएको पुष्टि गर्दै शिशुको अवस्था भने सामान्य रहेको जानकारी दिनुभयो । संक्रमित शिशु उदयपुरबाट उपचारका लागि ल्याइएको थियो ।

अस्पतालका निर्देशक डाक्टर पौडेलका अनुसार रगतको कमी, ज्वरो आएको लगायतका समस्या भएर शंकास्पद बिरामी भनेर आइसोलेसनमा राखिएको र सोमबार कोरोना परीक्षणका लागि थ्रोट स्वाब संकलन गरिएपछि त्यसको रिपोर्ट पोजेटिभ आएको बताउनुभयो ।

यसअघि कान्ति अस्पतालबाट अन्य धेरै शिशुलाई कोरोनाको शंका गर्दै स्वाब पठाइए पनि संक्रमण पुष्टि भएको यो पहिलो केस हो । अस्पतालले कोरोनाका लागि छुट्टै आइसोलेसन वार्ड र टिम बनाएकाले संक्रमण देखिए पनि अस्पताल सूचारु रहेको डाक्टर पौडेलले बताउनुभयो ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More