कोरोना दलदलमा दैलेख : संक्रमितलाई संगै राखेपछि क्वारेन्टाइनमा बसेकाहरु भागे

1 June, 2020 23:04 | जन सरोकार | comments | 26250 Views

केही दिनअघि भारतबाट स्वदेश फर्किएर क्वारेन्टाइनमा बसेकामध्ये दुईजनामा कोरोना संक्रमण पुष्टि भएपछि पनि क्वारेन्टाइनमै राखिएपछि दैलेख सदरमुकामस्थित नारायण नगरपालिकाको नारायण क्याम्पसमा राखिएका नागरिकहरु भागेका छन् ।

दुई दिनदेखि संक्रमण पुष्टि भएका १७ जनालाई सँगै राखेपछि उनीहरु भागेका हुन् । एक सय ५ जनाको क्षमता भएको क्याम्पसमा भारतबाट आएका २ सय १९ जनालाई राखिएको थियो । क्वारेन्टिनमै रहेका अन्यमा पनि सोमबार कोरोना पुष्टि भएको छ ।

  

योसँगै क्वारेन्टाइनमा रहेका संक्रमितको संख्या मात्रै ३४ पुगेको छ । यता प्रहरीले भने भाग्न खोज्नेलाई पुनस् क्वारेन्टिनमै राखिएको बताएको छ ।

दैलेखमा मजदुरीको लागि भारत गएका नागरिकहरु ठूलो संख्यामा भित्रिएका छन् । हाल नारायण नगरपालिकामा मात्रै १४ सय बढी नागरिक रहेका छन् । भारतबाट आउने क्रम नरोकिएकोले व्यवस्थापनमा कठिनाइ भएको मेयर रत्नबहादुर खड्काको भनाइ छ ।

दैलेखमा भारतबाट आएकाहरुलाई राख्ने क्वारेन्टाइनको अभाव हुनुका साथै परीक्षणमा समेत समस्या उत्पन्न भैरहेको छ । त्यहाँ तीब्रगतिमा कोरोना संक्रमित थपिंदै गएका छन । दुल्लु नगरपालिकाको क्वारेन्टिनमा रहेका ९ जनाको कोरोना परीक्षण गर्दा ७ जनाको कोरोना पोजेटिभ देखिएको छ । केहीदिन अघिदेखि भारतको मुम्बई र गुजरातबाट आएका २३ सय जना मध्ये २०० जनाको स्वाब संकलन गरेर परीक्षणका लागि जुम्लास्थित कर्णाली स्वास्थ्य विज्ञान प्रतिष्ठान पठाइएको थियो ।

ुप्रतिष्ठानले अहिलेसम्म ९ जनाकोमात्र परीक्षण सकिएको र तीमध्ये ७ जनाको कोरोना पोजेटिभ आएको छ । स्वाब संकलनका लागि पठाएको ६ दिनमा जम्मा ९ जनाकोमात्र परीक्षण हुन सकेको दुल्लु नगरपालिकाका प्रमुख प्रशासकीय अधिकृत ज्ञानमणि नेपालले बताउनुभएको छ । उहाँले आफूहरूसँग पिसिआर परीक्षण गर्ने किट र स्वाब संकलनको क्षमता हुँदाहुँदै पनि परीक्षण हुन नसक्ने अवस्था रहेको बताउनुहुन्छ ।

उता कर्णाली स्वास्थ्य विज्ञान प्रतिष्ठानमा प्रदेशभरिका ११ सय स्वाब परीक्षणको लाइनमा छन् । प्रतिष्ठानका निर्देशक मंगल रावलका अनुसार दैनिक २ सय जाँच्दा पनि ६ दिनमा बल्ल रिपोर्ट आउँछ । अहिले सुर्खेतको प्रयोगशालामा परीक्षण प्राविधिक कारणले स्थगित भएको र त्यहाँका स्वाब समेत आफूहरूकहाँ आएको उहाँ बताउनुहून्छ ।

दुल्लुमा भने रिपोर्ट आउन ढिलो हुँदा व्यवस्थापन पनि जटिल हुने र एकबाट अर्कोमा संक्रमण फैलिने डर छ । दुल्लु नगरपालिकाले स्कुल, क्याम्पस र विद्युत कार्यालयको भवन गरी ४० वटा क्वारेन्टाइन बनाएको छ । जसमा सोमबारसम्म भारतबाट आएका २ हजार ५ सय मानिस बसेका छन् ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More