कोरोना संक्रमणबिरुद्धको राहत कोषमा एनआरएनए जापानको पाँच लाख

24 March, 2020 11:18 | एन आर एन न्युज , जापान | comments | 39450 Views

विश्वव्यापी रुपमा महामारीको रुप लिइरहेको कोरोना भाइरस संक्रमणबिरुद्ध लड्न नेपाल सरकारले गठन गरेको विशेष राहत कोषमा गैरआवाीय नेपाली संघ (एनआरएनए) जापानले पाँच लाख रुपैयाँ प्रदान गर्ने भएको छ ।

एनआरएनए अन्तराष्ट्रिय समन्वय परिषदको यही मार्च २२ मा बसेको बैठकले कोरोना भाईरस बिरुद्द लड्नको लागि नेपाल सरकारलाई प्रधानमन्त्री राहत कोष मार्फत १ करोड रुपैया आर्थिक सहयोग गर्ने निर्णय गरे बमोजिम एनसीसी जापानले पनि उक्त अभियानमा ५ लाख रुपैया सहयोग गर्ने प्रतिबद्धता जनाएको हो ।

उक्त प्रतिबद्धता अनुसारको रकमको संकलनको निम्ति एनआरएनए जापानका अध्यक्ष देविलाल भण्डारीको संयोजकत्वमा उपाध्यक्ष नबिन निउरे, सचिव टीकाराम खरेल, कोषाध्यक्ष कालिका थापा, प्रवक्ता सिद्धार्थ श्रेष्ठ, सदस्य श्याम खड्का र रामकृष्ण श्रेष्ठ तथा सबै क्षेत्रीय संयोजक सदस्य रहने गरी १७ सदस्यीय आर्थिक संकलन समितिपनि गठन गरेकोछ ।

  

एनआरउनए जापानले विश्वभर महामारीको रुपमा फैलिएको कोरोना भाइरसको विकराल परिस्थितिबाट नेपाल र नेपाली दाजुभाइ दिदी बहिनीलाई जोगाउने यो अभियानमा जापानस्थित सम्पूर्ण संघ संस्था, व्यवसायी , बुद्धिजीवि, विद्यार्थी लगायत समस्त नेपाली समुदायलाई सहयोगको लागी अपिल गरेको छ ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More