कोरोना संक्रमण : इटालीको स्थिति भयावह, चीनमा पूर्ण नियन्त्रण (पछिल्लो अपडेट )

24 March, 2020 15:38 | जल/वातावरण/स्वास्थ्य | comments | 82500 Views


विश्वलाई त्रस्त बनाइरहेको कोरोना भाइरस (कोभिड १९)को संक्रमणबाट विश्वभर १६ हजारभन्दा बढीको ज्यान गैसकेको छ भने तीन लाख बढी संक्रमित भएका छन् । चीनको वुहानबाट फैलन सुरु भएको कोरोनाले अहिले युरोप र अमेरिकालाई बढी संक्रमित गरिरहेको छ ।

नेपालमा सरकारले आज (मंगलबार)बाट लकडाउन गरेको छ । आइतबार फ्रान्सबाट फर्केकी एक युवतीमा कोेरोना संक्रमण भएको पुष्टि भएपछि सरकारले सोमबार यस्तो घोषणा गरेको हो । नेपालमा हालसम्म दुईजना संक्रमित भएको पुष्टि भएको छ र तीमध्ये एकजना उपचारपछि घर फर्किसकेका छन् ।

पछिल्लो चीनले संक्रमण पूर्णरुपमा नियन्त्रणमा लिएको बताएको छ । उसले संक्रमित युरोपेली मुलुकहरुमा उपकरण र चिकित्सक टोली पठाइरहेको छ । अहिले सबैभन्दा बढी इटालीमा संक्रमित देखिएका छन् र मृत्युको संख्या पनि इटालीमा बढी छ ।

  

जोन्स हप्किन्स विश्वविद्यालयले सार्वजनिक गरेको पछिल्लो अपडेट अनुसार इटालीमा छ हजार ७७ जनाको मृत्यु भएको छ भने ६३ हजार ९ सय २७ जना संक्रमित भएका छन् र ७ हजार ४ सय ३२ जना उपचारबाट निको भएका छन् ।

कोरोनाको संक्रमणबाट सर्वाधिक प्रभावित मुलुकको पछिल्लो स्थिति

चीन– संक्रमित: ८१,४९८ मृत्यु: ३,२७४ निको: ७२,८१९

इटाली– संक्रमित: ६३,९२७ मृत्यु: ६,०७७ निको: ७,४३२

अमेरिका– संक्रमित: ४३,९०१ मृत्यु: ५५७ निको: ०

स्पेन– संक्रमित: ३५,१३६ मृत्यु: २,३११ निको: ३,३५५

जर्मनी– संक्रमित: २९,०५६ मृत्यु: १२३ निको: ४५३

इरान– संक्रमित: २३,०४९ मृत्यु: १,८१२ निको: ८,३७६

फ्रान्स– संक्रमित: २०१२३ मृत्यु: ८६२ निको: २,२०७

द. कोरिया– संक्रमित: ८,९६१ मृत्यु: १११ निको: ३,१६६

युके– संक्रमित: ६,७२६ मृत्यु: ३३६ निको: १४०

भारत – संक्रमित: ४९९ मृत्यु: १० निको: ३४

नेपाल– संक्रमित: २ मृत्यु: ० निको: १

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More