गोकर्णेश्वर र महालक्ष्मीमा अत्यावश्यक बाहेकका सेवा बन्द

16 October, 2020 23:51 | राजनीति | comments | 15900 Views

कोरोना भाइरस संक्रमणको जोखिम बढेसंगै उपत्यकाका विभिन्न नगरपालिकाहरुले अत्यावश्यक बाहेकका नियमित सेवा बन्द गरेका छन् । यसै क्रममा काठमाडौंको गोकणेश्वर नगरपालिकाले कार्तिक १ गतेदेखि १५ गतेसम्म नगरपालिकाबाट प्रदान गरिने अत्यवश्यक बाहेकका सेवा बन्द गरेको जनाएको छ ।

नगरपालिका प्रमुख सन्तोष चालिसेले एक विज्ञप्ति जारी गरी कोरोना भाइरस संक्रमणको जोखिम बढिरहेका बेला नगरबासीलाई सचेत रहेर दशैं, तिहार मनाउन आवहान गर्दै कार्तिक १ गतेदेखि १५ गतेसम्म अत्यावश्यक बाहेकका सेवा स्थगित गरिएको जानकारी दिनुभएको हो । सो नगरपालिकामा अहिलेसम्म कोरोना संक्रमितको संख्या १ हजारभन्दा बढी रहेको छ ।

  

यसै गरी ललितपुरको महालक्ष्मी नगरपालिकाले अत्यावश्यक बाहेकका अन्य सेवा बन्द गर्ने भएको छ । सो नगरका प्रमुख प्रशासकीय अधिकृत पुरुषोतम सापकोटाले आज जारी गर्नुभएको सूचनामा नगरपालिकामा आगामी कात्तिक २ गतेदेखि ६ गतेसम्मका लागि अत्यावश्यक बाहेकका अन्य सेवा बन्द गरिएको उल्लेख छ ।

 

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More