ग्राण्डी अस्पतालबाट आयो रिपोर्ट- प्रधानमन्त्री ओलीको स्वास्थ्य सामान्य

30 October, 2019 22:49 | Homepage | comments | 50400 Views

प्रधानमन्त्री केपी शर्मा ओलीको स्वास्थ्यस्थिति सामान्य रहेको ग्राण्डी अस्पतालले जनाएको छ । नियमित स्वास्थ्य परीक्षणका लागि बुधबार सो अस्पताल पुग्नुभएका प्रधानमन्त्री ओलीको विभिन्न परीक्षणहरु भैरहेको अस्पतालले जनाएको छ ।

adsads

प्रधानमन्त्री ओली अस्पताल पुगेपछि उहाँको स्वास्थ्यस्थितिका बारेमा विभिन्न चर्चा चलिरहेका बेला अस्पतालले एक प्रेस विज्ञप्ति जारी गरी उहाँको विभिन्न परीक्षण पश्चात आज राति वा भोलि विहान डिस्चार्ज गरिने बताएको हो ।

विज्ञप्तिमा प्रधानमन्त्री ओलीको स्वास्थ्य परीक्षण नियम भएको र उहाँमा कुनै समस्या नरहेको पनि स्पष्ट पारेको छ ।

प्रधानमन्त्रीका प्रेस सल्लाहकार डा. कुन्दन अर्यालले प्रधानमन्त्रीको स्वास्थ्य अवस्था सामान्य रहेको र उहाँ निवास फर्कन चाहनुभएको बताउनु भयो । ‘नियमिति स्वास्थ्य परीक्षणका लागि आज बिहान ९ बजे अस्पताल पुग्नुभएको थियो । नियमित परीक्षण भइरहेको छ, चिकित्सकले स्वास्थ्य अवस्था सामान्य रहेको जानकारी हामीलाई दिनुभएको छ,’ प्रेस सल्लाहकार अर्यालले भन्नुभयो । ग्राण्डी अस्पतालमा प्रधानमन्त्री ओलीको मृगौलाको समेत परीक्षण गरिएको छ ।

बाह्र बर्षअघि प्रधानमन्त्री ओलीको २०६४ सालमा भारतको अपोलो अस्पतालमा मिर्गौला प्रत्यारोपण गरिएको थियो । मिर्गौला प्रत्यारोपणपछि उहाँले नियमित औषधि सेवन गर्दै आउनुभएको छ । केही समयअघि सिंगापुरमा प्रधानमन्त्री ओलीको मृगौलाको उपचार गरिएको थियो । सिंगापुर अस्पतालमा भदौं दोस्रो साता प्रधानमन्त्री ओलीको सिंगापुरमा प्लाज्माफेरेसिस गराइएको थियो । त्यही क्रममा दुई हप्ता प्रधानमन्त्री ओली सिंगापुरमा रहनुभएको थियो । रेनल बायोप्सीको रिपोर्टपछि प्रधानमन्त्री ओली चिकित्सकको सुझावअनुसार थप परीक्षण र उपचारका लागि सिंगापुर जानुभएको थियो ।

सिंगापुरबाट फर्केपछि एक पटक मनमोहन कार्डियोथेरासिस सेन्टरमा स्वास्थ्य परीक्षण गर्नुभएका प्रधानमन्त्री ओली त्यसपछि ग्राण्डी अस्पतालमै यसअघि नियमित परीक्षण गरिएको थियो । अहिले पनि प्रधानमन्त्रीको सोही उपचारको क्रममा आउने समस्या बुझ्न नियमित स्वास्थ्य परीक्षण गरिएको चिकित्सकहरुले बताएका छन । मृगौला प्रत्यारोपनपछि नियमित औषधि सेवनकै कारण प्रतिरोधात्मक क्षमतामा कमी आउने भएकोले बेलाबेलामा प्रधानमन्त्री ओलीको स्वास्थ्य परीक्षण गरिदै आएको हो ।

प्रधानमन्त्री ओली सिंगापुरबाट फर्कैदेखि दैनिक १८ घण्टा काम गर्दै आउनुभएको छ । काममा धपेडी कायम राखेकै कारण अहिले समस्या आएको चिकित्सकको बुझाइ छ । चिकित्सकहरुले यसघि पनि धपेडी बढेको भन्दै अस्वभाविक रुपमा बढी काममा नखटन सुझाएका थिए । तर प्रधानमन्त्री ओलीले त्यो सुझाव बेवास्ता गरेपछि स्वास्थ्यमा केही समस्या आएको हो । धपेडी बढेपछि प्रधानमन्त्री ओलीको शरीरमा पानीको मात्रा कम अर्थात जलवियोजन (डिहाड्रेसन) भएको प्रारम्भिक रिपोर्टमा देखिएको छ ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More