चन्दा संकलन गरेर पीसीआर मेसिन जडान- सरकारी मेसिनको पत्तो छैन

2 July, 2020 12:10 | जल/वातावरण/स्वास्थ्य | comments | 28050 Views

कोरोना भाइरस संक्रमितको संख्या बढ्दै जाँदा डडेल्धुरामा पिसिआर मेसिनको अभाव भएपछि चन्दा संकलन गरेर मेसिन खरीद गरी जडान गरिसक्दा सरकारले खरीद गरेको मेसिन अझै अझै पुगेको छैन ।

कोरोना परीक्षणमा समया भएपछि स्थानीयले मुलुकभित्र र बाहिर रहेका नेपालीले चन्दा संकलन गरेर पीसीआर मेसिन खरीद गरी डडेल्धुरा अस्पतालमा जडान गरेर नमूना परीक्षण समेत गरिएको छ ।

  

बुधवार मेसिन जडान गरेर नमुना परीक्षण गरिएको र बिहीबारबाट नियमित परीक्षण सुरु हुने अस्पतालका निमित्त मेडिकल सुपरिटेन्डेन्ट डा जगदीश विष्टले जानकारी दिनुभएको छ । नागरिकले चन्दा संकलन गरेर खरिद गरेको पीसीआर मेसिनले दैनिक ९० जनाको कोरोना परीक्षण गर्न सक्ने छ ।

पीसीआर मेसिनको अभाव हुँदा यसअघि प्रदेशका सबै जिल्लाको स्वाब धनगढी पठाउने गरिएको थियो । धनगढीमा पनि चाप बढेपछि काठमाडौँ पठाउने गरिएको थियो । काठमाडौँमा स्वाब धेरै भएपछि रिपोर्ट आउन समय लाग्ने गरेकोमा अब डडेल्धुरामा अर्को मेसिन थपिएपछि केही सहज हुने अपेक्षा गरिएको छ ।

करिब ९६ लाख रुपैयाँमा स्थापना भएको पीसीआर मेसिन खरिद गर्न ह्युमानिटी फाउन्डेसनले चन्दा संकलन गरेकोे थियो । जनताको चन्दा संकलन, संघीय सरकारका उद्योग वाणिज्य तथा आपूर्ति मन्त्री लेखराज भट्टको पहल र उनका स्वकीय सचिव हितेश ओझाको सक्रियताले डडेल्धुरामा पीसीआर मेसिन स्थापना भएको ह्युमानिटी फाउन्डेसनले जनाएको छ ।

नागरिकले चन्दा संकलन गरेर पीसीआर मेसिन खरिद गरे पनि प्रदेश सरकारले यसअघि नै खरिद गर्ने भनेको पीसीआर मेसिन अझै जडान हुन सकेको छैन । प्रदेश सरकारले प्रदेशका ३ स्थानमा पीसीआर मेसिन जडान गर्ने निर्णय गरेको थियो । तर, निर्णय भएको ३ महिला पुग्नै लाग्दा पनि अझैसम्म पीसीआर मेसिन आउन सकेको छैन ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More