चीनले गर्‍यो कोरोना भ्याक्सिनको बाँदरमा सफल परीक्षण

24 April, 2020 14:41 | सूचना/प्रविधि | comments | 111150 Views

विश्वभर महामारीका रुपमा फैलिइरहेको कोरोना भाइरसको उदगमस्थल चीनले कोरोनाबिरुद्धको भ्याक्सिन बाँदरमा सफल परीक्षण गरेको छ । वैज्ञानिकहरुले खोपले बाँदरलाई कोरोना संक्रमणबाट जोगाउन सकिएको भन्दै अब मानिसमा पनि परीक्षण सुरु गरिएको जनाएका छन् ।

चीनको बेइजिङस्थित साइनोभ्याक बायोटेकले रातो मुख भएको बाँदरमा खोप परीक्षण सफल भएको र १६ अप्रिलदेखि मानिसमा पनि त्यसको परीक्षण सुरु गरिएको जनाएको छ । साइनोभ्याकले दिएको जानकारीअनुसार आठ वटा बाँदरको श्वास नलीमा कोरोना भाइरस राखिएको थियो । त्यसपछि अलग–अलग डोजमा भ्याक्सिन दिइयो । त्यसको तीन हप्तापछि ती बाँदरहरुको पुनः जाँच गरियो । तर एउटा पनि बाँदरमा कोरोना संक्रमण देखिएन ।

  

साइनोभ्याकका डाइरेक्टर मेंग विनिङले दिएको जानकारी अनुसार सबैभन्दा बढी डोज दिइएको बाँदरमा सात दिनपछि उसको फोक्सो वा शरीरमा कतै पनि कोरोना भाइरसको कुनै लक्षण वा प्रमाण देखिएन । थोरै डोज दिइएका केही बाँदरहरुमा पनि भने हल्का असर देखियो । तर त्यसलाई पनि नियन्त्रणमा लिइयो ।

खोप परीक्षणका लागि पहिले बाँदरलाई पहिले कोरोना भाइरसबाट संक्रमित गराएर त्यसपछि त्यही बाँदरको रगतबाट खोप बनाएर त्यसलाई अर्को बाँदरमा प्रयोग गरिएको बताइएको छ ।

चीन, इटली, स्वीटजरल्याण्ड, स्पेन र बेलायतका कोरोना भाइरस संक्रमित बिरामीहरुमा पनि परीक्षण गरिएको छ । परीक्षणको क्रममा एन्टीबडीले कोरोना भाइरसको स्ट्रेनलाई निष्कृय बनाएको पाइएको छ ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

पहिरो

फेसबुक

पहिरो

ट्वीटर

सामाजिक सञ्जाल

More