“चीनले नेपाली भूमि मिचेको ‘सो कल्ड प्रतिवेदन’ बनाउने कारखानाको खोजी तीब्र”

29 June, 2020 17:59 | राजनीति | comments | 20850 Views

परराष्ट्रमन्त्री प्रदीपकुमार ज्ञवालीले कृषि मन्त्रालयको नापी शाखाको प्रतिवेदन भन्दै झूठो विवरण तयार गरी संचार माध्यममा दिने व्यक्ति वा संस्थाको खोजी भैरहेको बताउनुभएको छ ।

परराष्ट्रमन्त्री ज्ञवालीले राष्ट्रिय सभाको सोमबार बसेको बैठकमा नेपाल चीन सीमामा कुनै समस्या नभएको बताउँदै चीनले नेपालको सीमा अतिक्रमण गरेको झूटो प्रतिवेदन बनाउने कारखानाको खोजी भइरहेको बताउनुभएको हो ।

  

परराष्ट्रमन्त्री ज्ञवालीले चीनले सात स्थानमा नेपाली सीमा अतिक्रमण गरेको भनेर आएको समाचारको खण्डन गर्दै गोरखाको रुई गाउँ चीनले अतिक्रमण गरेको खबरको पनि खण्डन गर्नुभयो ।

मन्त्री ज्ञवालीका अनुसार अनुसार दुई देशबीच औपचारिक सीमा निर्धारण हुनुअघि नै रुई र साना गाउँ लेकबेंसी जस्तो थियो । दुई देशले सीमा निर्धारण गरेपछि ११० घर कुरियालाई कता बस्ने भनेर रोज्न दिएको भन्दै ६० घर कुरियाले रुई र ४० घर कुरियाले यता बस्ने भनेर रोजेका हुन् जबरजस्ती भएको होइन भन्नुभयो ।

मन्त्री ज्ञवालीका अनुसार विसं २०१६ चैत ९ मा भएको सीमा सम्झौता र २०१८ असोज १९ मा भएको सीमा सन्धिअनुसार ९८ वटा बाउन्ड्री मार्कर बनेको छ । निकै विकट भएका कारण सीमा चिह्न ३७ र ३८ कोर्न सकिएको छैन ।

दुई देशबीच भएको सहमतिअनुसार नेपाल चीन सीमामा जीपीएस जडान गर्न बाँकी रहेका बेला चीनले नेपाली सीमा अतिक्रमण गरेको समाचार कसरी आए र फेक प्रतिवेदन कहाँ तयार भयो भनेर सरकारले खोजी गरिरहेको बताउनुभयो ।

मन्त्री ज्ञवालीले सो कल्ड प्रतिवेदन कुन कारखानामा तयार भयो त्यसको खोजी भैरहेको र त्यसमा संलग्नहरूलाई गम्भीरतापूर्वक कानुनी दायरामा ल्याउने प्रतिबद्धता जनाउनुभयो ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More