भोजपुरमा एक यौन पिपासु युवकले ६ वर्षीया बालिकालाई बलात्कार गरेका छन् । जिल्लाको हतुवागढी गाउँपालिका–२ का ती युवकले आमचोक गाउँपालिका–६ देवानटारकी छ वर्षीया बालिकालाई बलात्कार गरेको आरोपमा पक्राउ गरेको जिल्ला प्रहरी कार्यालय भोजपुरले जनाएको छ ।

प्रहरीका अनुसार यही साउन १५ गते घरनजिकै रहेको जंगलमा बालिका गोठालो गएको मौका पारेर उनले जंगलमा नै बालिकालाई बलात्कार गरेका थिए । बलात्कार भएपछि बालिकाले भोलिपल्ट मात्र आमालाई सुनाएकी थिइन् । बलात्कारपछि पीडितले जिल्ला प्रहरी कार्यालयमा भोजपुरमा उजुरी दिएकी थिइन् ।

जिल्ला प्रहरी कार्यालय भोजपुरले आरोपीलाई पक्राउ गरी अनुसन्धान भइरहेको र पीडित बालिकाको स्वास्थ्य परीक्षण जिल्ला अस्पतालमा गरिएको जनाएको छ ।

बालिकालाई बलात्कारपछि हत्या गरेको पुष्टि