जापानमा कोरोना संक्रमितको संख्या पाँच हजार बढी- एकसय १७ जनाको मृत्यु

10 April, 2020 01:01 | जापान | comments | 171600 Views

जापानमा कोरोना भाइरस संक्रमितको संख्या ५ हजारभन्दा बढी पुगेको छ । बिहिबार मात्र ३ सय २० नयाँ संक्रमित भेटिएपछि संक्रमितहरुको संख्या ५ हजार २ सय ९२ पुगेको हो ।

संक्रमितरुमध्ये १४ जना चीनबाट उद्धार गरी ल्याइएका थिए भने केही विमानस्थलमा जाँचका क्रममा पत्ता लागेका थिए । त्यसो त यो संख्यामा डायमण्ड प्रिन्सेस क्रुज जहाजमा रहेका ७ सय १२ जनालाई सामेल गरिएको छैन । यो समेत जोड्दा जापानमा संक्रमितको संख्या ६ हजार बढी हुन्छ ।

  

यसबीचमा जापानमा १ सय १७ जनाको मृत्यु भएको छ, जसमध्ये क्रुजका यात्रुको सख्ंया ११ रहेको छ । त्यसै गरी १२ सय ७० जना उपचारपछि घर फर्केका छन् । यीमध्ये ६ सय ३२ जना जापानी र ६ सय ३८ जना क्रुजका यात्रु रहेका छन् ।

केही दिनयता राजधानी टोकियो तथा अन्य शहरहरुमा संक्रमण तीब्र रुपमा बढ्न थालेपछि सरकारले टोकियो, ओशाका लगायत ७ प्रान्तमा संकटकालनि स्थिति घोषणा गरेको छ । अप्रिल ७ बुधबारदेखि संकटकाल घोषणा गर्दै सरकारले राहत प्याकेज समेत पारित गरिसकेको छ ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More