जापानमा सय वर्ष उमेर भएकाहरुको संख्या ८० हजार, ७० हजारभन्दा बढी महिला

15 September, 2020 22:04 | जापान | comments | 39300 Views

संसारमै सबैभन्दा धेरै वृद्धवृद्धा रहेको देश जापानमा एक सय वर्षभन्दा बढी उमेर भएका वृद्धवृद्धाका संख्या मात्रै ८० हजारभन्दा बढी रहेको एक सर्वेक्षणले देखाएको छ । सय वर्ष उमेर पार गरेकाहरुमा ७० हजारभन्दा बढी महिला छन् ।

स्वास्थ्य एवं कल्याण मन्त्रालयको एक सर्वेक्षण अनुसार १५ सेप्टेम्बर, २०२० मंगलबारसम्म एक सय वर्षभन्दा बढी उमेरका व्यक्तिहरुको संख्या ८० हजार ४ सय ५० रहेको छ । सय वर्षयो संख्या अघिल्लो वर्षको तुलनामा ९ हजार १ सय ७६ ले बढी हो । यो संख्या वार्षिक वृद्धिका आधारमा ५० वर्षमै सबभन्दी रहेको एनएचकेको समाचारमा जनाइएको छ ।

  

समाचार अनुसार सय वर्ष पार गरेका वृद्धवृद्धाहरुमा ८८ प्रतिशत अर्थात् ७० हजार ९ सय ७५ महिला छन् भने १२ प्रतिशत अर्थात् ९ हजार ४ सय ७५ जना मात्र पुरुष रहेका छन् ।

स्मरणीय के छ भने सन् १९६३ मा जापानमा सय वर्ष उमेर पार गरेकाहरुको संख्या जम्मा १ सय ५३ थियो भने १९९८ मा पहिलोपटक यो संख्या १० हजारभन्दा बढी रहेको थियो । हाल रहेका सय वर्षभन्दा बढी उमेरका मानिसहरु सबैभन्दा बढी शिमाने प्रान्ता रहेका छन् ।

जापानमा सबभन्दा वृद्ध व्यक्ति १ सय १७ वर्षीय काने तानाका फुकुओका शहरको एक स्याहार केन्द्रमा रहेकी छिन् । उनलाई गिनिज बुक अफ वल्र्ड रेकर्डले विश्वको सबभन्दा वृद्ध मानिसमा सूचीकृत गरेको छ । त्यसै गरी जापानकाा सबभन्दा वृद्ध पुरुष मिकोजो उएदा रहेका छन्, जसको उमेर १ सय १० वर्ष छ ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More